રાજકોટ-ગોંડલ હાઇવે પર હિટ એન્ડ રનની ઘટના, સાસુ-વહુના મોત

રાજકોટ-ગોંડલ હાઇવે પર હિટ એન્ડ રનની ઘટના સામે આવી છે. જેમાં ગોંડલમાં રહેતા બાવનીયા પરિવારની બે મહિલાના મોત નીપજ્યાં છે. બાવનીયા પરિવાર રાજકોટ ખાતે તેઓ સંબંધીના ઘરે જનોઇ પ્રસંગમાં હાજરી આપી પરત પોતાના ઘરે ગોંડલ જઇ રહ્યો હતો. તે સમયે રાત્રિના સમયે મનોજભાઇ બાવનીયા અને તેમના પુત્ર વ્યોમ બન્ને પોતાની પત્ની સાથે ટુ-વ્હીલર પર જઇ રહ્યા હતા તે સમયે અચાનક કોરાટ પાસે ટ્રકચાલકે પૂરપાટ ઝડપે આવતા બન્ને વાહનને અટફેટે લેતા અક્સમાતમાં સાસુ વહુ બન્નેના મોત નીપજ્યા છે. 

આ હિટ એન્ રનની ઘટનામાં જ્યોતિબેન મનોજભાઇ બાવનીયા ઉં.વ.49 તેમજ પુત્રવધુ જાનવી વ્યોમભાઇ બાવનીયા ઉં.વ.23નું મોત નીપજ્યું છે.અક્સમાતમાં મનોજભાઇ તેમજ તેમના પુત્ર વ્યોમને પણ ઇજાઓ પહોંચતા સારવાર અર્થે રાજકોટ સિવિલ હોસ્પિટલ ખાતે ખસેડવામાં આવ્યા છે.

આ અક્સમાતને પગલે પોલીસ દ્વારા આગળની કાર્યવાહી હાથ ધરવામાં આવી છે. જ્યારે  પરિવારજનોનું કહેવું છે કે પોલીસ હિટ એન્ડ રનની ફરિયાદ નહિં નોંધે તો મૃતદેહ નહીં સ્વીકારવામાં આવે.