Ahmedabad plane crash: ફોરેન્સિક ટીમ 100થી વધુ બળેલા મોબાઈલ ફોનની કરશે તપાસ!

અમદાવાદમાં સર્જાયેલી વિમાન દુર્ઘટનાની હાલમાં તપાસ ચાલી રહી છે.આ દુર્ઘટના સ્થળ પરથી ફોરેન્સિક અને પોલીસ ટીમને 100થી વધુ મોબાઇલ ફોન મળ્યા છે.જે ખૂબ ખરાબ રીતે બળી ચૂક્યા છે.જોકે,ફોરેન્સિક ટીમ આ ફોન્સમાં સેવ ડેટા(વીડિયો અને ફોટા)ની તપાસ કરવાની તૈયારી કરી રહી છે.તપાસ ટીમ 12 જૂનની બપોરે 1 વાગ્યાને 38 મિનિટ પછીના વીડિયો અને ફોટાની તપાસ કરશે.

તમને જણાવી દઈએ કે પોલીસનો પ્રયાસ છે કે આ મોબાઇલ ફોનમાંથી ઘટનાના અંતિમ ક્ષણોમાં કેદ થયેલા ફોટા અને વીડિયો જોઈ શકાય,જેથી 30થી 40 સેકન્ડના એ સમયગાળામાં શું થયું તેનો અંદાજ લગાવી શકાય.આ મોબાઇલ ફોનની તપાસ અંગે અમદાવાદના પોલીસ કમિશ્નર જી.એસ.મલિકે જણાવ્યું કે,બપોરે 1 વાગ્યાને 40 મિનિટ પછીનો દરેક ફોટા અને વીડિયો અમારા માટે મહત્ત્વપૂર્ણ સાબિત થઈ શકે છે.