Ahmedabad માં ભયાવહ વિમાન દુર્ઘટના, Maharashtra NCP નેતાના ભાભીનું પણ થયું મૃત્યુ...

આજે અમદાવાદ (Ahmedabad)થી ટેકઓફ કર્યા બાદ ગણતરીની મિનિટોમાં જ એર ઇન્ડિયાનું એક વિમાન (AI-242) ભયાનક દુર્ઘટનાનો ભોગ બન્યું છે. આ અત્યંત કરુણ ઘટનામાં 242 યાત્રીઓમાંથી 241 ના ઘટનાસ્થળે જ મોત નીપજ્યા છે, જ્યારે કુલ મૃત્યુઆંક 265 સુધી પહોંચી ગયો છે. આ દુર્ઘટનામાં અનેક વિદેશી નાગરિકોનો પણ સમાવેશ થાય છે.

પ્રાથમિક માહિતી અનુસાર, વિમાન ટેકઓફ કર્યા બાદ માત્ર 625 ફૂટની ઊંચાઈએ પહોંચ્યું હતું ત્યાં જ અચાનક નીચે આવી ગયું અને મેઘાણીનગરના રહેણાંક વિસ્તારમાં આવેલી બી.જે. મેડિકલ કોલેજની હોસ્ટેલ પર ભયાનક વિસ્ફોટ સાથે ખાબક્યું હતું. આ ઘટના સમયે મેસમાં ભોજન લઈ રહેલા ઘણા વિદ્યાર્થી ડોકટરોનું સ્થળ પર જ કમકમાટીભર્યું મૃત્યુ થયું હતું.

આ દુર્ઘટનામાં મહારાષ્ટ્ર (Maharashtra)ના NCP નેતા સુનીલ તટકરેની ભાભી અપર્ણા મહાદિકનું પણ મૃત્યુ થયું છે, જેઓ એર ઇન્ડિયામાં કેબિન ક્રૂ તરીકે ફરજ બજાવતા હતા.

આ પણ વાંચો : Zydus Hospital નો ઐતિહાસિક નિર્ણય, Plane Crash ના પીડિતોને સંપૂર્ણ મફત સારવાર!

આ ઘટનાએ સમગ્ર અમદાવાદ (Ahmedabad) સહિત દેશભરમાં શોકની લાગણી પ્રસરાવી દીધી છે. રાહત અને બચાવ કાર્ય પુરજોશમાં ચાલી રહ્યું છે, પરંતુ મૃત્યુઆંક સતત વધી રહ્યો છે, જે પરિસ્થિતિની ગંભીરતા દર્શાવે છે. આ ભયાવહ દુર્ઘટનાના કારણો જાણવા માટે તપાસના આદેશો આપી દેવાયા છે.

આ પણ વાંચો : AHMEDABAD PLAN CRASH : ૧૦ મિનિટ માટે ફ્લાઇટ ચૂકેલી ભૂમિ ચૌહાણ બચી