ગણેશ વિસર્જન બાદ મુંબઈના જુહુ બીચ પર ફેલાયેલી ગંદકીને દૂર કરવા માટે એક ખાસ સફાઈ અભિયાન ચલાવવામાં આવ્યું, જેમાં બોલિવૂડના ખિલાડી અક્ષય કુમાર પણ જોડાયા હતા. અભિનેતાએ જાતે કચરો વીણીને સ્વચ્છતા પ્રત્યે પોતાનું સમર્પણ દર્શાવ્યું હતું. 
આ કાર્યક્રમમાં તેમની સાથે મહારાષ્ટ્રના મુખ્યમંત્રી દેવેન્દ્ર ફડણવીસના પત્ની અમૃતા ફડણવીસ અને&nbsp;BMC કમિશનર ભૂષણ ગગરાણી પણ હાજર રહ્યા હતા.
અક્ષય કુમારે આ સફાઈ અભિયાન દરમિયાન જણાવ્યું કે, "જ્ઞાન આપણને સ્વચ્છતા જાળવવાનું શીખવે છે. આપણા વડાપ્રધાને પણ આ વાત પર ભાર મૂક્યો છે કે સ્વચ્છતા એ માત્ર સરકાર કે BMCની જવાબદારી નથી, પરંતુ તે દરેક નાગરિકની જવાબદારી છે."&nbsp;અભિનેતાએ લોકોને પોતાના પર્યાવરણને સ્વચ્છ રાખવા અને આવા તહેવારો પછી થતી ગંદકીને રોકવા માટે જાગૃત થવાની અપીલ કરી.
વાયરલ વિડીયો અને સોશિયલ મીડિયા પર પ્રશંસા
આ સફાઈ અભિયાનના વિડીયો સોશિયલ મીડિયા પર ઝડપથી વાયરલ થઈ રહ્યા છે. વિડીયોમાં અક્ષય કુમાર અન્ય સ્વયંસેવકો સાથે ફૂલો, પ્લાસ્ટિક અને અન્ય કચરો એકત્ર કરતા જોવા મળે છે. તેમના આ પ્રયાસની સોશિયલ મીડિયા પર ભારે પ્રશંસા થઈ રહી છે. 
જોકે, કેટલાક યુઝર્સે આને 'પબ્લિસિટી સ્ટંટ' પણ ગણાવ્યો છે, પરંતુ મોટાભાગના લોકોએ તેમના આ કાર્યને બિરદાવ્યું છે અને આને અન્ય લોકો માટે પ્રેરણાદાયક ગણાવ્યું છે.
આ પહેલ દર્શાવે છે કે સેલિબ્રિટીઓ પણ સમાજ પ્રત્યે પોતાની જવાબદારી સમજે છે અને લોકોમાં જાગૃતિ ફેલાવવામાં મહત્વનો ભાગ ભજવી શકે છે.
&nbsp;
&nbsp;

અક્ષય કુમારે વિસર્જન બાદ જાતે વીણ્યો કચરો

જુહુ બીચ પર અક્ષય કુમારનો સ્વચ્છતા સંદેશ, સોશિયલ મીડિયા પર વખાણની ભરમાર

September 7, 2025 | 20:17 IST