દેના બેંક સાથેની છેતરપિંડી કરવાના કેસમાં અમદાવાદ સીબીઆઇ કોર્ટનો મહત્વપૂર્ણ ચૂકાદો

અમદાવાદની સીબીઆઇ કોર્ટે દેના બેંક સાથે 27 કરોડની છેતરપિંડી કરવાના ગુનામાં આરોપીને 3 વર્ષની સખત કેદની સજા ફટકારી છે. ૩૦.૦૬.૨૦૨૫ ના રોજ, અમદાવાદના નવરંગપુરા સ્થિત CBI કોર્ટે આરોપી મહાદેવ ડી પટેલને દોષિત ઠેરવ્યા અને તેમને ૩ વર્ષની સખત કેદ (RI) અને રૂ. ૩૦,૦૦૦/- દંડ ફટકાર્યો અને આરોપીની કંપની મેસર્સ હિનુપ ફૂડ એન્ડ ઓઇલ ઇન્ડસ્ટ્રીઝ લિમિટેડને રૂ. ૩૦,૦૦૦/- દંડ પણ ફટકાર્યો હતો.

દેના બેંક, મુંબઈ દ્વારા મહાદેવ ડી પટેલ, મેસર્સ હિનુપ ફૂડ એન્ડ ઓઇલ ઇન્ડસ્ટ્રીઝ લિમિટેડ, એક ખાનગી કંપની અને બે અન્ય ખાનગી વ્યક્તિઓ સામે દાખલ કરાયેલી લેખિત ફરિયાદના આધારે CBI એ કેસ નોંધ્યો હતો. કંપની મેસર્સ હિનુપ ફૂડ એન્ડ ઓઇલ ઇન્ડસ્ટ્રીઝ લિમિટેડ જાન્યુઆરી ૧૯૮૩ થી અમદાવાદની એલિસ બ્રિજ શાખા, દેના બેંક સાથે વિવિધ ક્રેડિટ સુવિધાઓનો  લાભ લઇ રહી હતી. કંપની અને તેના ડિરેક્ટરોએ છેતરપિંડી કરીને અને દેના બેંકની લેટર ઓફ ક્રેડિટ સુવિધાનો દુરુપયોગ કરીને દેના બેંક સાથે રૂ. ૨૭.૧૯ કરોડની છેતરપિંડી કરી હતી. તપાસ બાદ, 22/10/2001 ના રોજ બે દોષિત આરોપીઓ સહિત ચાર આરોપીઓ સામે ચાર્જશીટ દાખલ કરવામાં આવી હતી. ટ્રાયલ પછી, કોર્ટે આરોપી મહાદેવ ડી પટેલ અને ખાનગી કંપની મેસર્સ હિનુપ ફૂડ એન્ડ ઓઇલ ઇન્ડસ્ટ્રીઝ લિમિટેડને દોષિત ઠેરવ્યા અને સજા ફટકારી છે.

આ પણ વાંચો--- 

ગાંધીનગરની નભોઇ નર્મદા કેનાલમાં કાર ખાબકી, 2ના મૃતદેહ મળ્યા