GST કૌભાંડમાં અંગ્રેજી અખબારના પત્રકાર ની ધરપકડ

અમદાવાદ ક્રાઇમ બ્રાન્ચે સોમવાર મોડી  સાંજે ગુજરાતના એક જાણીતા પત્રકાર ને બોલાવી પૂછતાછ શરૂ કરી હતી અને મંગળવારે તેમની ધરપકડ કરી છે. સેન્ટ્રલ GST intelligenceએ માહિતીના આધારે એકઠી કરેલી માહિતી અને 200 જેટલા બોગસ પેઢીના દસ્તાવેજો માંથી કરોડો રૂપિયાનું કર ચોરીનું કૌભાંડ પકડી પાડ્યું છે. જેમાં પત્રકાર અને સૌરાષ્ટ્રના એક ધારાસભ્યના પુત્રની પુછપરછ કરી રહ્યાં છે.   ક્રાઇમ બ્રાન્ચમાં નોંધાયેલી ફરિયાદ મુજબ, 33 જેટલી વ્યક્તિઓ એ પહેલા રાજ્યમાં 12 જેટલી પેઢીઓ બોગસ પેઢીઓની રચના કરી, કર ચોરીનું કૌભાંડ શરૂ કર્યું હતું. તેનું વિસ્તરણ કરી સમગ્ર દેશમાં 200 જેટલી બોગસ પેઢીઓ બનાવી કરચોરી આદરી અબજો રૂપિયાનું દેશને નુકસાન કર્યું છે. આ ગુન્હામાં પોલીસ 33 જેટલી વ્યક્તિઓની અટકાયત કરી  લીધી છે. આ કેસમાં પત્રકાર મહેશ લાંગાની ધરપકડ કરી છે, તેમ ભરત પટેલ, આસીસટન્ટ કમિશ્નર ઓફ પોલીસે (ક્રાઇમ બ્રાન્ચ) જણાવ્યુ હતું..   જે બોગસ પેઢીઓના નામ ફરિયાદ માં છે, તેમાં અરહમ સ્ટિલના નિમેષ વોરા, અને હેતલબેન વોરા, 2) ઓમ કન્સ્ટ્રકશનના રાજેન્દ્રસિંહ સરવૈયા, બ્રિજરાજસિંહ સરવેયા, હિત્વરાજસિંહ સરવૈયા, 3) શ્રી કનકેશ્વરી એન્ટરપ્રાઈઝના  કાળુભાઇ વાઘ, પ્રફુલભાઇ વાજા, મહેશ વાજા, જયેશ વાજા અને વિજય વાઘ, 4)હરેશ કન્સ્ટ્રકશન કંપનીના નિલેશ નસીત, જ્યોતિષ ગોંડલીયા 6)  ડિ.એ. એન્ટરપ્રાઇઝના લાંગા મનોજકુમાર રામભાઇ, વિનુભાઇ નટુભાઇ પટેલ, 7) ઇથિરાજ કન્સ્ટ્રકશન પ્રાઇવેટ લિમિટેડના નિલેશ નસીત, જ્યોતિષ ગોંડલીયા, અને પ્રભા ગોંડલિયા 8) બિ. જે ઓડેદરાના ભગીરથભાઇ ઓડેદરા, ભોજાભાઇ ઓડેદરા,અભાભાઈ ઓડેદરા, 9)  આર. એમ.. દાસા ઇન્ફ્રાસ્ટ્રકચર પ્રાઇવેટ લિમિટે-ના નાથાભાઇ દાસા અને રમણભાઇ દાસા, 10) આર્યન એસોસિએટ્સ  અજય બારડ, વિજય બારડ અને રમેશ બારડ, 11) પરેશ ડોડિયા.