અમદાવાદ&nbsp;શહેરના ઓઢવ રિંગ રોડ બ્રિજ નીચે રવિવારે મોડી રાત્રે એક હિટ એન્ડ રન અકસ્માતમાં એક વ્યક્તિનું ઘટનાસ્થળે જ મોત નીપજ્યું છે. અંજાન વાહનના ટક્કરમાં ગોવિંદ પરમારનું મૃત્યુ થયું હતું.જ્યારે સાથે સવાર શૈલેષ પરમારને ગંભીર ઈજાઓ પહોંચી હતી.
અકસ્માત રાત્રે આશરે 11 વાગ્યાની આસપાસ બન્યો હતો. મૃતક અને શૈલેષ ટુ-વ્હીલર પર જઈ રહ્યા હતા, ત્યારે પાછળથી આવતા વાહનને ટક્કર મારતા બંને ટુ-વ્હીલર પરથી ફંગોળાઈ ગયા હતા. ગોવિંદ પરમાર ગંભીર ઇજાઓના કારણે ઘટનાસ્થળે જ મૃત્યુ પામ્યા હતા. જ્યારે શૈલેષને નજીકની હોસ્પિટલમાં દાખલ કરવામાં આવ્યા છે.
પોલીસે ફરિયાદના આધારે અજાણ્યા વાહન ચાલક વિરુદ્ધ ભારતીય ન્યાય સંહિતા (BNS) અને મોટર વ્હીકલ એક્ટની સંબંધિત કલમો હેઠળ ગુનો નોંધ્યો છે. આસપાસના વિસ્તારો અને ટોલ પોઈન્ટના સીસીઇટીવી ફૂટેજ તપાસીને હિટ એન્ડ રન ગાડી અને ચાલકની ઓળખ કરવા માટે સઘન તપાસ હાથ ધરવામાં આવી છે.

ઓઢવ હિટ એન્ડ રન અકસ્માત

ઓઢવ રિંગ રોડ બ્રિજ નીચે ટુ-વ્હીલરને ટક્કર, એક વ્યક્તિનું ઘટનાસ્થળે મોત

November 10, 2025 | 20:14 IST