અમદાવાદ જિલ્લાના વિવિધ વિસ્તારોમાં છેલ્લા કેટલાક સમયથી મોબાઈલ ટાવરના મોંઘા કેબલ ચોરી થવાની ઘટનાઓમાં મોટો ઉછાળો જોવા મળી રહ્યો છે. આ વણઉકેલાયેલા ગુનાઓને ગંભીરતાથી લઈને પોલીસ મહાનિરીક્ષક વિધી ચૌધરી અને અમદાવાદ ગ્રામ્ય એસપી ઓમ પ્રકાશ જાટ દ્વારા કડક સૂચના આપવામાં આવી હતી. આ દિશામાં કાર્યવાહી કરતા LCB પી.આઈ. આર.એન. કરમટીયાની ટીમે તપાસ શરૂ કરી હતી.
&nbsp;
બાતમીના આધારે ચાર રીઢા ગુનેગારો ઝડપાયા :&nbsp;
LCB ની ટીમને તપાસ દરમિયાન હેડ કોન્સ્ટેબલ શૈલેષભાઈ દેસાઈ અને કલ્પેશભાઈ ડામોર દ્વારા મળેલી સચોટ બાતમીના આધારે ચાર શખ્સોને દબોચી લેવામાં આવ્યા હતા.&nbsp;
&nbsp;
પકડાયેલા આરોપીઓની વિગતો નીચે મુજબ છે:
વિકાસ શંકરનાથ યોગી: રહે. નિકોલ, અમદાવાદ (મૂળ રાજસ્થાન)
પપ્પુનાથ ધર્માનાથ યોગી: રહે. નરોડા, અમદાવાદ (મૂળ રાજસ્થાન)
અભિષેક દેવલાલ બારી: રહે. નિકોલ, અમદાવાદ (મૂળ મધ્યપ્રદેશ)
જગદીશ ચંપાલાલ માલી: રહે. નિકોલ, અમદાવાદ (મૂળ રાજસ્થાન)
&nbsp;
લાખોની કિંમતનો મુદ્દામાલ કબજે :&nbsp;
પોલીસની પ્રાથમિક પૂછપરછમાં આરોપીઓએ કબૂલાત કરી હતી કે તેઓ ટાવર પરથી કોપર કેબલની ચોરી કરતા હતા. પોલીસે આરોપીઓ પાસેથી 213.500 કિલોગ્રામ કોપર કેબલ (કિંમત ₹ 2,34,850) અને વાહન સહિત કુલ ₹ 3,80,850 નો મુદ્દામાલ જપ્ત કર્યો છે. હાલમાં આ તમામ આરોપીઓને કણભા પોલીસ સ્ટેશનને સોંપવામાં આવ્યા છે, જ્યાં તેમના દ્વારા આચરવામાં આવેલા અન્ય ગુનાઓની પણ તપાસ કરવામાં આવશે.

મોબાઈલ ટાવર કેબલ ચોરી

અમદાવાદ ગ્રામ્ય LCBએ 4 આરોપીઓની ધરપકડ કરી લાખોનો મુદ્દામાલ જપ્ત કર્યો

January 24, 2026 | 17:07 IST