World Disabilities Day 2024

વિકલાંગ વ્યક્તિઓને સમાન તક આપવા અને તેમના અધિકારોની અનુભૂતિ કરાવવા માટે દર વર્ષે 3 ડિસેમ્બરે વિશ્વ વિકલાંગ દિવસ મનાવવામાં આવે છે. વિકલાંગ વ્યક્તિઓના માનવ અધિકારો, સ્થાયી વિકાસ અને શાંતિની સાથે સુરક્ષા જાળવી રાખવા માટે જરૂરી છે. આ વ્યક્તિઓને વાસ્તવિક જીવનમાં સહાયતા અપાવવા માટે આ દિવસને મનાવવામાં આવે છે. વિકલાંગ વ્યક્તિઓ માટે આ સૌથી ખાસ દિવસોમાંથી એક હોય છે. 

વિશ્વ વિકલાંગ દિવસ માટે વાર્ષિક ઑબ્ઝરવેશનની ઘોષણા યૂનાઇટેડ નેશન્સે જનરલ એસેમ્બલી રેઝોલ્યૂશનમાં 1992માં કરી હતી. જનરલ એસેમ્બલી રેઝોલ્યૂશન 47/3 હેઠળ આ વાર્ષિક ઑબ્ઝર્વેશન જાહેર કર્યુ હતું. તેનો ઉદ્દેશ્ય તમામ ક્ષેત્રમાં વિકલાંગ લોકોના અધિકારો અને કલ્યાણને પ્રોત્સાહન આપવાનો છે. આ ઉપરાંત રાજકીય, સામાજિક, આર્થિક અને સાંસ્કૃતિક જીવનના દરેક પાસામાં વિકલાંગ વ્યક્તિઓની પરિસ્થિતિ વિશે જાગરૂકતા વધારવાનો છે. વિકલાંગોની સમજ અને જાગરૂકતા પર ધ્યાન કેન્દ્રિત કરે છે. WHO અનુસાર વિશ્વની 15 ટકા વસતી વિકલાંગતા સાથે જીવી રહી છે. ન્યૂરોલોજી સમસ્યાઓની સાથે જીવી રહેલા ઘણા લોકો વ્યવસાયિક ચિકિત્સાનો લાભ મેળવી શકતા નથી. આ સમાજમાં તેમની અવગણના અને સમાન અધિકારો ન મળવાનું કારણ છે. માનસિક પરિસ્થિતિ અને તણાવ એવી ડિસેબિલિટીઝ છે જે જોઇ શકાતી નથી.  

વિશ્વ વિકલાંગ દિવસનું મહત્ત્વ ત્યારે વધી જાય છે, જ્યારે વાત વિકલાંગ વ્યક્તિઓના અધિકારોની આવે છે. આ જ એક એવો દિવસ હોય છે જ્યારે વિકલાંગ વ્યક્તિઓના કલ્યાણની વાતો કરવામાં આવે છે. સમાજમાં થતી તેમની અવગણના અને તેમના પ્રત્યે લઘુતા ગ્રંથિ રાખવા જેવી બાબતો પર અંકુશ લગાવવા માટે આ દિવસ ખાસ મહત્ત્વ ધરાવે છે. કળા પ્રદર્શન, ચિત્રોની ગેલેરી, તેમની કુશળતા વગેરે દ્વારા આ દિવસ મનાવવામાં આવે છે. વિકલાંગ વ્યક્તિઓને સન્માન આપતાં કાર્યક્રમોનું આયોજન કરીને તેમને સમાજમાં એક સમાન વર્ગમાં સમાવિષ્ટ કરતાં જાગરૂકતા ફેલાવી શકાય છે. વિકલાંગ વ્યક્તિઓના કામની પ્રશંસા કરતાં તેમને સન્માનિત કરવાથી આ દિવસનું મહત્ત્વ વધી જાય છે.