હોલિકા દહન ક્યારે? જાણો શુભ મુહૂર્ત અને વિગતો

વર્ષ 2026માં હોળીના પર્વ પર ખગ્રાસ ચંદ્રગ્રહણ હોવાથી ધાર્મિક દ્રષ્ટિએ તારીખોમાં ફેરફાર થયો છે. મોટાભાગના વિદ્વાનો અને જ્યોતિષીઓના મતે ૩ માર્ચના રોજ ગ્રહણ અને સૂતક હોવાથી હોળીની ઉજવણી 4 માર્ચના રોજ કરવી શાસ્ત્રસંમત રહેશે.

મહત્વની તારીખો અને સમય (Holi 2026 Dates):
હોલિકા દહન: 2 માર્ચ 2026 સોમવાર (પ્રદોષ કાળ અને ભદ્રા રહિત સમયમાં).

ચંદ્રગ્રહણ (3 માર્ચ): આ દિવસે સૂતક અને ગ્રહણ હોવાથી કોઈ પણ શુભ કાર્ય કે રંગોની હોળી રમી શકાશે નહીં.

ધૂળેટી (રંગો વાળી હોળી): 4 માર્ચ 2026, બુધવાર.

ચંદ્રગ્રહણ 2026નો સમય (Lunar Eclipse Timing):
3 માર્ચ 2026ના રોજ લાગનારું આ ગ્રહણ ભારતમાં દ્રશ્યમાન થશે, તેથી તેનું પાલન કરવું અનિવાર્ય છે.

સૂતક કાળ શરૂ: સવારે 09:39 વાગ્યે.

ગ્રહણનો પ્રારંભ: બપોરે 03:20 વાગ્યે.

પૂર્ણ ચંદ્રગ્રહણ: સાંજે 05:04 વાગ્યે.

ગ્રહણ સમાપ્ત: સાંજે 06:46 વાગ્યે.

ગ્રહણ દરમિયાન રાખવાની સાવધાની અને ઉપાયો:

૧. ગર્ભવતી મહિલાઓ: સૂતક અને ગ્રહણ દરમિયાન ઘરની બહાર ન નીકળવું અને ધારદાર વસ્તુઓ (ચપ્પુ, સોય) નો ઉપયોગ ટાળવો.

૨. મંત્ર જાપ: ગ્રહણ દરમિયાન મનોમન ચંદ્ર દેવના મંત્રો અથવા 'ઓમ નમઃ શિવાય' ના જાપ કરવા.

૩. સ્નાન અને દાન: ગ્રહણ પૂર્ણ થયા બાદ સ્નાન કરી ઘર અને મંદિરમાં ગંગાજળ છાંટવું. જરૂરિયાતમંદોને ચોખા, દૂધ કે સફેદ વસ્ત્રોનું દાન કરવું અત્યંત શુભ માનવામાં આવે છે.

૪. ભોજન: સૂતક કાળથી ગ્રહણ પૂર્ણ થાય ત્યાં સુધી ભોજન લેવાનું ટાળવું જોઈએ (વૃદ્ધ અને બીમાર વ્યક્તિઓ સિવાય).