મચ્છુ-2 ડેમમાં પાણીની આવક, 29 ગામોને કરાયા એલર્ટ

 

મોરબી જીલ્લામાં ઉપરવાસમાં વરસાદને કારણે મચ્છુ-2 ડેમનો એક દરવાજો બે ફૂટ પર ખોલવામાં આવ્યો છે. ડેમમાં પાણીની આવક થતા મોરબી અને માળીયા તાલુકાના નીચાણવાળા 29 ગામોને એલર્ટ કરવામાં આવ્યા છે.

ઉપરવાસમાં થયેલા વરસાદને કારણે મચ્છુ-૨ ડેમમાં પાણીની સતત આવક થઈ રહી છે. જેને કારણે રાત્રે 9 વાગ્યાની આસપાસ  ડેમનો એક દરવાજો 2 ફૂટ જેટલો ખોલવામાં આવ્યો હતો.ડેમમાં 1,295 ક્યુસેક પાણીની આવક ચાલુ થતા એક દરવાજો ખોલી 1,295 ક્યુસેક પાણીની જાવક ચાલુ કરવામાં આવી છે.જ્યારે પાણીની થોડી આવક વધતા 10 વાગ્યા આસપાસ 2 દરવાજા 2  ફૂટ કરી 2,590 ક્યુસેક પાણી છોડવામાં આવી રહ્યું છે.

મોરબી તાલુકાના જોધપર ગામ પાસે આવેલ મચ્છુ-2 ડેમની ઉપરવાસમાં પાણીની આવક ચાલુ હોવાથી આસપાસના ગામોને એલર્ટ કરવામાં આવ્યા છે....મોરબી અને માળીયા તાલુકાના નીચાણવાળા 29 ગામોને એલર્ટ કરવામાં આવ્યા છે.ડેમની સંગ્રશક્તિના 100 ડેમ ભરાયી ગયો છે. તેમજ ડેમની ઉપરવાસની પાણીની આવક સતત ચાલુ છે.ડેમના નીચાણવાસના ગામો  જેવા કે, મોરબી તાલુકાના જોધપર, લીલાપર, ભડીયાદ. ટીંબડી, ધરમપુર, ૨વાપર, અમરેલી, વનાળિયા.ગોર ખીજડીયા. માનસર, નવા સાદુળકા, જુના સાદુળકા,  રવાપર, ગુંગણ નારણકા. બહાદુરગઢ, (૧૭)નવા નાગડાવાસ, જુના નાગડાવાસ, સોખડા, અમરનગર, માળીયા તાલુકાના વીરવદરકા, દેરાળા, નવાગામ, મેધપર, હરીપર, મહેન્દ્રગઢ, ફતેપર, સોનગઢ, માળિયા (મી)ને સાવચેત પણ કરવામાં આવ્યા છે.