JEE Main ની બીજી પરીક્ષામાં વડોદરાનો આદિત દેશમાં 14માં ક્રમાંકે

નેશનલ ટેસ્ટિંગ એજન્સી (NTA) દ્વારા લેવામાં આવેલી JEE Main ની બીજી પરીક્ષાના પરિણામ આજે જાહેર કરવામાં આવ્યા, જેમાં વડોદરાના આદિત ભાગાડેએ 100 પર્સેન્ટાઈલ સાથે દેશભરમાં 14મો ક્રમ મેળવ્યો છે. આ પરિણામ સાથે તેણે શહેરમાં ટોપ રેન્ક મેળવી, પોતાનું અને વડોદરાનું નામ રોશન કર્યું છે.

ત્રણે વિષયમાં સંપૂર્ણ માર્કસ

આદિતે ગણિત, ફિઝિક્સ અને કેમેસ્ટ્રી – ત્રણે વિષયમાં 100માંથી 100 માર્કસ મેળવી અસાધારણ સિદ્ધિ હાંસલ કરી છે. જ્યારે કુલ પર્સેન્ટાઈલ સરખી હોય ત્યારે રેન્ક નિયત કરવા માટે પહેલા ગણિત, પછી ફિઝિક્સના ગુણોને આધાર બનાવી રેન્ક અપાય છે. આ આધારે જ આદિતને દેશમાં 14મો ક્રમ મળ્યો છે.

આગળ વધી રહી છે JEE એડવાન્સ માટે તૈયારી

આ પહેલા પણ આદિતે પ્રથમ એટેમ્પ્ટમાં 99.99 પર્સેન્ટાઈલ મેળવી હતી. ત્યારે માતા-પિતાએ તેને બીજી વખત ન આપવાનો અનુરોધ કર્યો હતો અને JEE એડવાન્સ માટે ફોકસ કરવાનું કહ્યું હતું, છતાંયે આદિતે તેને પ્રેક્ટિસ માટે મહત્ત્વની તક માનીને ફરી પરીક્ષા આપી. “મને આશા નહોતી કે 100 પર્સેન્ટાઈલ આવશે કારણ કે હું મુખ્યત્વે JEE એડવાન્સ માટે તૈયારી કરી રહ્યો છું,” તેમ આદિતે કહ્યું હતું.

 ડોકટર પેરેન્ટ્સનો ટેકો

આદિતના માતા અને પિતા બન્ને ડોકટર છે, છતાં તેને ગણિત અને ટેક્નિકલ વિષયોમાં રસ હોવાથી એન્જિનિયરિંગ તરફ આગળ વધવાનું નક્કી કર્યું.

વડોદરામાંથી 8000થી વધુ વિદ્યાર્થીઓએ આપી હતી પરીક્ષા

વિશ્લેષણ મુજબ વડોદરામાંથી 8000થી વધુ વિદ્યાર્થીઓએ JEE Mainની પરીક્ષા આપી હતી. હવે JEE એડવાન્સ માટે પાત્રતા માટે જાહેર થયેલ કટ ઓફ પર્સેન્ટાઈલ નીચે મુજબ છે:

• જનરલ કેટેગરી: 93.10%

• OBC: 79.67%

• SC: 60.09%

• ST: 46.69%

 

આ પણ વાંચો---  નાપાસ થયા.? તામિલનાડુ બોર્ડનું લઇ લો રિઝલ્ટ..ચોંકાવનારું કૌંભાડ

સમાચાર મેળવવા આજે જ અમારી WAHTSAPP ચેનલ સાથે જોડાવ