રાજ્યના 200 પોલીસ સ્ટેશનને અપગ્રેડ કરી 874 હંગામી જગ્યાની ફાળવણી

રાજ્યના ગૃહ વિભાગે SHODH (Strengthening of Human Resources for Operation, Detection and Handling of Law & Orders Issies) યોજના અમલમાં મૂકવા રાજ્ય સરકારને દરખાસ્ત કરી છે. વર્ષ 2024-25ના બજેટમાં નવી જોગવાઈ અંતર્ગત કરેલી દરખાસ્ત અંતર્ગત 874 નવી હંગામી જગ્યાઓ ઉભી કરવા માટે 69.08 કરોડની ફાળવણી કરી છે. આ યોજના અંતર્ગત 200 પોલીસ સ્ટેશનને અપગ્રેડ કરવાનો નીતિવિષયક નિર્ણય કરાયો છે.   ગૃહ વિભાગે રાજ્યના 200 પોલીસ સ્ટેશનને અપગ્રેડ કરવાનો નિર્ણય કર્યો છે. આ નિર્ણય અંતર્ગત PSI કક્ષાના પોલીસ સ્ટેશનને PI કક્ષાનું પોલીસ સ્ટેશન બનાવાશે. જેમાં 200 બિનહથિયારી PI,  300 બિન હથિયારી PSI, 280 બિન હથિયારી ASI અને 94 હથિયારી ASIની નવી હંગામી જગ્યા ઉભી કરવામાં આવી છે. અમદાવાદ રેન્જના 15, ગાંધીનગર રેન્જના 19, વડોદરા રેન્જના 24, પંચમહાલ રેન્જના 19, સુરત રેન્જના 18, રાજકોટ રેન્જના 37, જૂનાગઢ રેન્જના 14, ભાવનગર રેન્જના 16, બોર્ડર રેન્જના 31 અને રેલ્વેઝ રેન્જના 8 પોલીસ સ્ટેશનને અપગ્રેડ કરાશે.   ક્યા જિલ્લામાં કેટલા પોલીસ સ્ટેશન અપગ્રેડ કરાશે : અમદાવાદ ગ્રામ્ય 4, આણંદ 7, ખેડા 4, ગાંધીનગર-2, મહેસાણા 5, સાબરકાંઠા 7, અરવલ્લી 5, વડોદરા ગ્રામ્ય 5, છોટાઉદેપુર 7, નર્મદા 4, ભરૂચ 8, પંચમહાલ 5, મહીસાગર 4, દાહોદ 10, સુરત ગ્રામ્ય 6, નવસારી 2, તાપી 5, વલસાડ 3, ડાંગ 2, રાજકોટ ગ્રામ્ય 13, સુરેન્દ્રનગર 11, મોરબી 3, જામનગર 8, દેવભૂમિ દ્વારકા 2, જૂનાગઢ 7, ગીરસોમનાથ 4, પોરબંદર 3, અમરેલી 6, ભાવનગર 8, બોટાદ 2, કચ્છ પશ્ચિમ 8, કચ્છ પૂર્વ 5, બનાસકાંઠા 13, પાટણ 5, પશ્ચિમ રેલવે વડોદરા 5 અને પશ્ચિમ રેલવે અમદાવાદના 3 પોલીસ સ્ટેશને અપગ્રેડ કરાશે.