વી.એસ.હોસ્પિટલના ડોક્ટરો માનવતા ભુલ્યા પણ કોર્પોરેશન પણ દૂધે ધોયેલું નથી

અમદાવાદ મ્યુનિ.કોર્પોરેશન સંચાલિત વી.એસ.હોસ્પિટલમાં ફરજ બજાવી રહેલા ડોક્ટરોએ ક્લિનીકલ રિસર્ચ મંજૂરી આપ્યા બાદ ત્રણ લોકોના મોત થયા હોવો આરોપ કોંગ્રેસના રાજશ્રી કેસરી લગાવતા ખળભળાટ મચી ગયો છે. ક્લિનીકલ રિસર્ચ માટે તત્કાલિન સુપ્રીટેન્ડેન્ટ તથા ડીન સહિતના ડોક્ટરોએ કમિશન લીધુ હોવાનો આરોપ લગાવાતા ખળભળાટ મચી ગયો છે. 

વિપક્ષે સમગ્ર મામલે ગંભીર આરોપ લગાવ્યા છે. વિપક્ષે કહ્યું કે ચાર વર્ષથી આ ટ્રાયલ ચાલતું હતું છતાં કોઇને ગંધ કેમ ના આવી તે એક મોટો સવાલ છે. દવા કંપનીઓએ સત્તાધીશોની સહિ વગર પેમેન્ટ ચુકવ્યું હોય તે વાત પણ માનવામાં આવે તેમ નથી. વિપક્ષે કહ્યું કે સસ્પેન્ડ કરાયેલા વ્યક્તિઓ સામે હજું સુધી પોલીસ ફરિયાદ કેમ થઇ નથી અને કોર્પોરેશનને કરોડો રુપિયાનું નુકશાન કરનારા સામે પોલીસ ફરિયાદ નોંધાવાઇ નથી અને માત્ર કોન્ટ્રાક્ટ પર રહેલા તબીબોને જ સસ્પેન્ડ કરવામાં આવ્યા છે. આ ઉપરાંત દર્દીઓને આપવામાં આવતી દવા કંપનીઓના નામ પણ જાહેર કરાતા નથી. 

વિપક્ષી સભ્યે ચોંકાવનારા આરોપ લગાવ્યા કે ડોક્ટરોએ માનવતા ભુલીને લાલચમાં આવી ક્લિનીકલ ટ્રાયલ કરે છે. વીએસમાં એથિકલ કમિટી રચવા માટેમેયર કે કમિસનરની મંજૂરી લેવામાં આવી ન હતી અને 58 ફાર્મા કંપનીઓને 500 દર્દીઓ પર દવાના પ્રયોગો કરવાનો પરવાનો આપી દીધો હતો. વિવાદોની પર્યાય બનેલી વીએસ હોસ્પિટલ કૌંભાડોનું ઘ બન્યું હોવાનું જણાવીને વિપક્ષે કૌંભાડની તપાસ માટે રચાયેલી કમિટીના હાથ પણ કાળા હોવાનો આરોપ લગાવ્યો હતો.