પત્રકાર મહેશ લાંગા સહિત ત્રણ આરોપીઓ ૧૦ દિવસના પોલીસ રીમાન્ડ

અમદાવાદ એડિશનલ ચીફ જ્યુડિશિયલ મેજિસ્ટ્રેટ કોર્ટે પત્રકાર મહેશ લાંગા સહિત ચાર વ્યક્તિઓના દસ દિવસના પોલીસ રિમાન્ડ ગ્રાહ્ય રાખ્યા છે. આરોપીઓને કોર્ટ સમક્ષ રજુ કરી, પોલીસ પંદર દિવસના રીમાન્ડની માંગણી કરી હતી.   અમદાવાદ ક્રાઇમ બ્રાન્ચે મંગળવાર પત્રકાર લાંગા સહિત અન્ય આરોપીઓમાં એઝાઝ માલદાર, અબ્દુલકાદર કાદરી, જ્યોતિષ ગોંડલિયાની ધરપકડ કર્યા હતા. આ કેસના તપાસનીસ અધિકારી પોલીસ ઇન્સ્પેક્ટર આઈ એન ધનસુરા બુધવારે એડિશનલ ચીફ જ્યુડિશિયલ મેજિસ્ટ્રેટ કોર્ટ સમક્ષ રજૂ કરી ૧૫ દિવસના રિમાન્ડ આપવાની રજૂઆત કરી હતી.   રિમાન્ડની માગણી કરતાં પોલીસે રજૂઆત કરી હતી કે આ ચારેય આરોપીઓએ બનાવટી પેઢીઓ રચી, નાણાકીય વ્યવહાર કરી બોગસ ઇનપુટ ટેક્સ ક્રેડિટ મેળવી કરોડો રૂપિયાનું દેશની તિજોરીને નુકસાન કર્યું છે. આ ગુનામાં તેમના સાથે સંડોવાયેલા અન્ય આરોપીઓને પુછતાછ કરવાની હોય તેમની કસ્ટડીની જરૂર છે.   બનાવટી દસ્તાવેજ, બનાવટી ભાડા કરારના આધારે જીએસટીએન નંબર મેળવી કૌભાંડ આચર્યું હોય, તેમના સાથે સમગ્ર કાંડના ષડયંત્ર અન્ય કોણ કોણ સંડોવાયેલા છે, તેની તપાસ કરવા માટે આરોપીઓની પોલીસ કસ્ટડી જરૂરી છે, તેવી રજૂઆત કરી હતી.