છોટાઉદેપુરઃ ભૂવાએ 5 વર્ષની બાળકીની બલી ચઢાવી

રાજ્યમાં વધુ એક અંધશ્રદ્ધાની શરમજનક ઘટના સામે આવી છે. છોટાઉદેપુરમાં તાંત્રિક વિધિમાં માસૂમ બાળકીની બલી ચઢાવવામાં આવી છે. બોડેલીના પાણેજ ગામે ઘરના સામે જ રહેતી માત્ર 5 વર્ષની બાળકીની હત્યા કરી માનવ બલી આપી છે. એટલે તો આ ઘટના નથી અટકતી બાળકી બાદ તેના નાના ભાઇને પણ બલી માટે લઇ જતા હતા એ જ સમયે ગ્રામજનો જોઇ જતા તે માસૂમ બાળકનો જીવ બચ્યો છે. 

મળતી માહિતી અનુસાર છોટાઉદેપુરના બોડેલી જિલ્લાના પાણેજ ગામે આધેડ ભૂવા લાલુ હિમત તડવીએ શરમ જનક કૃત્ય કરી તમામ હદો પાર કરી છે. તેના જ ઘરની સામે રહેતી બાળકીને ઘરમાં લઇ જઇ વિધિ કરીને કૂહાડીથી ગળુ કાંપી નાખ્યું હતું. જ્યારે બાળકી બાદ તેના નાના ભાઇને પણ બલી માટે લઇ જતા ગ્રામજનો જોઇ ગયા હતા અને બાદમાં પોલીસને જાણ કરતા પોલીસે ઘટના સ્થળે પહોંચી તેને બચાવી લેવામાં આવ્યો હતો. હાલ તે બાળકીના મૃતદેહને પોસ્ટમોર્ટમ અર્થે ખસેડાયો છે. જ્યારે આરોપી લાલુ હિમત તડવીની પોલીસે ધરપકડ કરી આગળની કાર્યવાહી હાથ ધરી છે.