પ્રેમી યુગલે એકબીજાને પામવા વટાવી તમામ હદ

ભુજમાં બે પ્રેમી યુગલે પ્રેમમાં પાગલ થઈને એક વૃદ્ધની હત્યા કરવાનું  કાવતરુ સામે આવ્યું છે. જેમકે આ હત્યા લગભગ બે મહિના પહેલાં થયેલી છે. આ હત્યા વિશે કોઈને ખબર પણ નહતી. પણ આ યુગલને પોતે કરેલી હત્યાનો અપરાધ બોધ સહન ન થતાં, તેઓએ આત્મ સમર્પણ કર્યું . ત્યારે આ આખી હત્યાનો ઘટસ્ફોટ સામે આવ્યો હતો.

પ્રેમ કહાનીએ લીધો હત્યાનો વળાંક

ભુજના સરહદી ખાવાડા નજીક ખારી ગામની પરિણિત મહિલા રામી આહીર તેના જ ગામમાં રહેલાં અનિલ આહીરને પ્રેમ કરતી હતી. તેના લગ્ન દસેક વર્ષ પહેલાં ભુજના ખારી ગામમાં થયા હતાં. જોકે, મનમેળ ન આવતા તેણે કોર્ટ મારફતે છૂટાછેડા લઈ લીધા હતાં. છૂટાછેડાના પંદરેક દિવસમાં તેણે ખારી ગામના જ કાનજી ચાડ નામના યુવક સાથે સામાજિક રાહે બીજા લગ્ન કર્યાં, પરંતુ મનમાંથી પોતાના પ્રેમીને ભૂલી નહતી શકતી. ત્યારે તેને આ આત્મહત્યાનું કાવતરૂં રચ્યું

પોતાના પ્રેમીને પામવા 5 જુલાઈ 2024ના દિવસે રામી અને અનિલે પોતાના ઘરથી થોડેક દૂર કાકાજી સસરાના વાડામાં લાકડીના ભારામાં આગ લગાવી મરવાનું નાટક કર્યું. આ પહેલાં તેણે ફોનમાં પોતાની આત્મહત્યાનો વીડિયો પણ બનાવ્યો જેથી બધાંને વિશ્વાસ થયો કે તે મૃત્યુ પામી છે અને બાદમાં તે પોતાના પ્રેમી સાથે ભાગી ગઈ. 

આ સમગ્ર નાટક માટે બંને પ્રેમીને એક બિનવારસી મૃત દેહ જોઈતો હતો. જેના માટે 3 જુલાઈ 2024 ના દિવસે અનિલે ભાડે સેલ્ફ ડ્રાઈવ ઈકો કાર લઈને આ બિનવારસી મૃતદેહ શોધવાનું શરૂ કર્યું. ત્યારે બે દિવસ ફર્યા છતાં તેને કોઈ મૃતદેહ ન મળ્યો. તે દરમિયાન તેને એક 70 વર્ષના વૃદ્ધ દેખાયા. જેને જોઈ તેની આંખમાં ભેદી ચમક આવી. તેણે કાકાને પૂછયું કે, તમે ક્યાં રહો છો? ત્યારે વૃદ્ધે કહ્યું કે, હું તો રખડતો ભટકતો રહું છું. બાદમાં અનિલે ફરી મૃતદેહ શોધવાનું શરૂ કર્યું પરંતુ, તે સફળ ન થયો. ત્યારે તેને વિચાર આવ્યો  નિર્દોષના જીવ લેવાનો..

જેથી તેણે પેલા વૃદ્ધ વ્યક્તિ પર નજર રાખવાનું શરૂ કર્યું અને તક મળતાં જ રાત્રે તેનું અપહરણ કર્યું અને ત્યારબાદ ઈકો કારમાં ગળું દબાવી તેની હત્યા કરી દીધી. રામીને ફોન કરી સમગ્ર બાબત જણાવી બંનેએ કોઈને ખબર ન પડે તે રીતે રામીના નામે આ વૃદ્ધને સળગાવી દ્વારકાના ભાણવડમાં ભાગી ગયાં અને ત્યાં એકાદ મહિનો રોકાયા હતા

જોકે, ત્યાં બંનેને અપરાધ બોધના ખાઈ રહ્યો હતો, જેના કારણે તેઓ ફરી ભુજ આવ્યા અને 27 સપ્ટેમ્બરે રામીએ પોતાના પિતા સામે આત્મસમર્પણ કર્યું. તેના પિતાએ બંનેને પોલીસ સ્ટેશન મોકલી સમગ્ર કબૂલાત કરવા જણાવ્યું. હાલ, પોલીસે બંનેની ધરપકડ કરી તેઓએ જે વૃદ્ધને સળગાવી દીધો હતો તેની તપાસ કરી રહી છે. 

ત્યારે અંતે પ્રેમીઓના આત્મસમર્પણના કારણે આ ઘટના પર પ્રકાશમાં આવી..