શિક્ષણની સ્થિતિ કથળી

 

ગુજરાતમાં શિક્ષણની સ્થિતિ ધીમે ધીમે કથળી રહી છે.સુરેન્દ્રનગર ના થાનગઢ માં આવેલ પેસેન્ટર શાળા નંબર 1 માં બાલવાટિકા થી શરૂ કરીને ધોરણ 1 થી 5 ના આશરે 157 વિદ્યાર્થીઓ વચ્ચે માત્ર 2 જ શિક્ષક છે.એમાં પણ એક આચાર્ય છે.આમાં એક જ શિક્ષક આટલાં બધાં બાળકો પર ધ્યાન કેવી રીતે આપી શકે ? આ એક મોટો પ્રશ્ન છે.

શિક્ષણ એ દરેક વિદ્યાર્થીઓ નો અધિકાર છે અને શિક્ષણ આપવું એ શિક્ષક ની ફરજ છે.ગ્રામ્ય કક્ષાએ બાળકોના પ્રવેશ માટે સરકાર પ્રવેશોત્સવ કરે છે પણ આ બાળકોને યોગ્ય અને પૂરતું ભણતર મળે તેવી શિક્ષક સહિત ની સુવિધા ઘણી બધી શાળાઓમાં જોવા મળતી નથી.

જો શાળામાં પૂરતાં શિક્ષક જ ના હોય તો તેની સીધી અસર વિદ્યાર્થીઓના ભવિષ્ય પર પડે છે.જેથી વહેલી તકે આ શાળામાં બાળકોને પૂરતાં શિક્ષકોથી જ્ઞાન મળે તેમજ તેમના અભ્યાસમાં ખલેલ ન આવે એવી વ્યવસ્થા સાથે શાળામાં શિક્ષક ની ઘટ પૂરી કરવા વાલીઓએ તેમજ શાળાના આચાર્ય એ માંગ કરી છે.

માત્ર શિક્ષકની ખોટ નહિ, પરંતુ આધુનિક શિક્ષણ સાધનો, શિક્ષણ સાથે સંબંધિત અભ્યાસક્રમ, શિક્ષકની તાલીમ અને આકર્ષક શાળા માળખાની જરૂરિયાત પણ છે.