સુરતનો વિચિત્ર કિસ્સો, 23 વર્ષની શિક્ષિકા 11 વર્ષના વિદ્યાર્થીને ભગાડી ગઇ!

સુરત શહેરમાં એક વિચિત્ર કિસ્સો સામે આવ્યો છે. માત્ર 23 વર્ષની શિક્ષિકા તેનાજ બિલ્ડિંગમાં રહેતા 11 વર્ષના વિદ્યાર્થીને ભગાડી ગઇ છે. જેના સીસીટીવી ફૂટેજ પણ સામે આવ્યા છે. શિક્ષિકા તે વિદ્યાર્થીને સ્કુલ અને ટ્યુશન બન્નેમાં અભ્યાસ કરાવતી હતી. બાળક અને શિક્ષિકાના બન્નેના પરિવારના લોકો તેઓની શોધ કરી રહ્યા છે. પોલીસ પણ આ કિસ્સાને લઇને અવઢવમાં છે.

આ અંગે મળતી માહિતી પ્રમાણે શહેરના પુણાના એક ડ વિસ્તારના બન્ને પરિવારના સભ્યો પોલીસ મથકે પહોંચ્યા હતા અને બાળકના પિતાએ પોલીસ ફરિયાદમાં જણાવ્યું હતુ કે, તેમના પુત્રનું અપહરણ થયું છે. 25મીએ બપોરના સમયે તેમનો પુત્ર ઘરની બહાર રમવા ગયો હતો. જે બાદ તે પરત નથી આવ્યો. જ્યારે સીસીટીવી સામે આવ્યા ત્યારે તેમાં તે શિક્ષિકા બાળકને ભગાડી જતી દેખાઇ હતી.

સુરત પોલીસે આ અંગે વધુ તપાસ હાથ ધરતા બાળક અને શિક્ષિકા સુરત રેલવે સ્ટેશન પર સાંદે પાંચ વાગ્યે પહોંચ્યા હતા અને તે શિક્ષિકાએ બાદમાં તેનો ફોન બંધ કરી દીધો હતો. અને તે બાળકને લઇને ટ્રેનમાં બેસીને રવાના થઇ ગઇ હતી.