ગુજરાત વિધાનસભાની કાર્યવાહીમાં અધ્યક્ષ 2 ધારાસભ્યો પર બગડ્યા

ગુજરાત વિધાનસભા ગૃહની કાર્યવાહી કરમિયાન મોબાઇલ ફોનનો ઉપયોગ કરી રહેલા 2 સભ્યોને વિધાનસભાના અધ્યક્ષ શંકર ચૌધરીએ આકરી ટકોર કરી હતી. અધ્યક્ષે કહ્યું કે ત્રીજી વખત સુચના નહીં આપું, સીધા ગૃહની બહાર કરી દઇશ.

હાલ ગુજરાત વિધાનસભાનું સત્ર ચાલી રહ્યું છે. દરમિયાન નિયમો મુજબ ગૃહની કાર્યવાહી વખતે ગૃહમાં હાજર સભ્યો મોબાઇલ ફોનનો ઉપયોગ કરી શકતા નથી. સભ્યો માટે પણ મોબાઇલ ફોનનો ઉપયોગ પ્રતિબંધીત છે. જોકે આજે એવી 2 ઘટના બની કે વિધાનસભા અધ્યક્ષે કડક વલણ અપનાવ્યું હતું 

મળેલી માહિતી મુજબ વિધાનસભા ગૃહમાં મોબાઇલ નહી વાપરવા અધ્યક્ષે ટકોર કરી હતી અને તેમણે બે ધારાસભ્યોને મોબાઇલનો ઉપયોગ નહી કરવા સૂચના આપી હતી. ગૃહમાં ધારાસભ્ય અલ્પેશ ઠાકોર  મોબાઇલ ફોનનો ઉપયોગ કરી રહ્યા હતા અને આ અંગે ધ્યાન જતાં અધ્યક્ષ શંકર ચૌધરીએ ધારાસભ્ય અલ્પેશ ઠાકોરને મોબાઇલ મૂકી દેવા સૂચના આપી હતી.

 આ અગાઉ અધ્યક્ષે ધારાસભ્ય કાંતિ અમૃતિયાને પણ અધ્યક્ષે ટકોર હતી. નારાજ થયેલા અધ્યક્ષે ધારાસભ્યોને કહ્યું હતું કે હવે ત્રીજી વખત સૂચના નહી આપુ, સીધા ગૃહમાંથી બહાર  કરી દઈશ.