ઋત્વા બ્રહ્મભટ્ટે અમેરિકામાં સાડા ત્રણ કરોડની સ્કોલરશીપ સાથે પ્રવેશ મેળવ્યો

મહેસાણાની ઋત્વા બ્રહ્મભટ્રે અમેરિકામાં ભારતનો ડંકો વગાડ્યો છે. અમેરિકાની બ્રાઉન યુનિવર્સિટીના 200 વર્ષના ઈતિહાસમાં 100 ટકા સ્કોલરશીપ સાથે પ્રવેશ મેળવનાર પ્રથમ ભારતીય બની છે. ઋત્વાએ રૂપિયા સાડા ત્રણ કરોડની સ્કોલરશીપ સાથે યુનિવર્સિટીમાં પ્રવેશ મેળવ્યો છે. મહત્વપૂર્ણ છે કે આ યુનિવર્સિટીમાં અમેરિકાના મોટા નેતાઓ અને બિઝનેસમેનોએ અભ્યાસ કર્યો છે.

મહેસાણાના જાણીતા એડવોકેટ ઉદયભાઇ બ્રહ્મભટ્ટ 9 વર્ષથી અમેરિકાના ટેનિસિમાં સ્થાયી થયા છે. તેમની 18 વર્ષની દીકરી ઋત્વાએ મહેસાણા જ નહીં પરંતુ ભારતની દીકરી તરીકે અમેરિકામાં નામ ઉજાગર કર્યું છે. ઋત્વિક બ્રહ્મભટ્ટે અમેરિકામાં રોડ આઇલેન્ડ સ્થિત બ્રાઉન યુનિવર્સિટીમાં ભારતીય કરન્સી મુજબ રૂપિયા સાડા ત્રણ કરોડની સ્કોલરશીપ સાથે પ્રવેશ મેળવ્યો છે. આ કોલેજમાં અમેરિકાના પૂર્વ રાષ્ટ્રપતિઓ, નેતાઓ તેમજ બિઝનેસમેનો અભ્યાસ કરી ચૂક્યા છે. યુનિવર્સિટીના 200 વર્ષના ઇતિહાસમાં 100 ટકા સ્કોલરશીપ મેળવનાર ઋત્વા બ્રહ્મભટ્ટ પ્રથમ ભારતીય બની છે. ઋત્વા બ્રહ્મભટ્ટે પોલિટિકલ સાયન્સના અભ્યાસમાં બ્રાઉન યુનિવર્સિટીમાં સ્કોલરશીપ મેળવી છે. આગામી સમયમાં ઋત્વા હાવડૅ યુનિવર્સિટીમાં લો નો અભ્યાસ કરવા જશે. ઉલ્લેખનીય છે કે, ઋત્વા બ્રહ્મભટ્ટના દાદા ગોવિંદભાઈ બ્રહ્મભટ્ટ મહેસાણા નગરપાલિકાના પ્રમુખ  અને ગુજરાત બાર કાઉન્સિલના ચેરમેન  રહી ચૂક્યા છે.