અમદાવાદના ખ્યાતિ કાંડમાં ફરાર રાજશ્રી કોઠારીની ધરપકડ

દેશભરમાં ચકચાર જગાવનારા અમદાવાદના ખ્યાતિ કાંડમાં મહત્વના સમાચાર મળ્યા છે. પોલીસે આ કેસમાં ઘણા સમયથી ફરાર રહેલા હોસ્પિટલના ડોક્ટર રાજશ્રી કોઠારીની ધરપકડ કરી છે. 

અમદાવાદની ખ્યાતિ હોસ્પિટલમાં પીએમજેવાયયોજના હેઠળ સરકાર પાસેથી રુપિયા પડાવાના ષડયંત્રના ભાગરુપે દર્દીઓને લાવવામાં આવ્યા હતા અને તેમનું હ્રદય ચીરીને પૈસા ખંખેર્યા હતા. આ ઘટનામાં 2 દર્દીના મોત પણ થયા હતા. સમગ્ર મામલે પોલીસે ગુનો નોંધી તપાસ શરુ કરી હતી અને હોસ્પિટલા ડોક્ટર સંજય પટોળિયા તથા સીઇઓ ચિરાગ રાજપૂત સહિતના આરોપી ઝડપી પાડ્યા હતા.

દરમિયાન ગુનો નોંધાયા બાદ ફરાર રહેલા ખ્યાતિ હોસ્પિટલના ડોક્ટર રાજશ્રી કોઠારીની પણ પોલીસ ધરપકડ કરી છે. મળેલી માહિતી મુજબ રાજશ્રી કોઠારી રાજસ્થાનથી ઝડપાઇ છે. અમદાવાદ ક્રાઇમ બ્રાન્ચની ટીમે બાતમીના આધારે રાજશ્રી કોઠારીને રાજસ્થાનથી ઝડપી લીધા છે.