અમરેલીમાંથી પકડાયેલા શંકાસ્પદ મૌલાનાએ પોલીસને શું કહ્યું ?

અમરેલી જિલ્લાના ધારી તાલુકાના હિમખીમડીપરા વિસ્તારમાં આવેલા મદ્રેસામાં શંકાસ્પદ મૌલાના પાકિસ્તાન સાથેના સંલગ્નતા અંગે તપાસ શરૂ કરવામાં આવી છે. ધારી પોલીસ સ્ટેશનમાં નોંધ કરવામાં આવ્યા બાદ, મૌલાના મોહમદફઝલ અબ્દુલઅજીજ શેખની શંકાસ્પદ ગતિવિધિઓને ધ્યાનમાં લઈને પોલીસ દ્વારા તપાસ શરૂ કરવામાં આવી છે. અમરેલી એસઓજીને તપાસ દરમિયાન માહિતી મળી હતી કે હિમખીમડીપર વિસ્તારમાં આવેલી મદરેસામાં મૌલાના મોહંમદફઝલ અબ્દુલઅઝીઝ શેખ ગેરકાયદે રીતે વસવાટ કરે છે. જેથી SOGની ટીમ પુરાવા માંગ્યા હતા પરંતુ મૂળ રહેઠાણ અંગે કોઈ પુરાવા ન હોવાથી મૌલનાને પૂછપરછ માટે પોલીસ સ્ટેશન લઈ જવાયો હતો અને હવે વધુ તપાસ માટે અમદાવાદ લવાયો છે.

મૌલાનાના મોબાઈલમાંથી "પાકિસ્તાન" અને "અફઘાનિસ્તાન"ના સોશિયલ મીડિયા ગ્રુપ્સ મળ્યા છે, જેની તપાસ માટે સ્પેશ્યલ ઓપરેશન બ્રાન્ચ (SOG)ની ટીમ દ્વારા ફોરેન્સિક તપાસ હાથ ધરવામાં આવી છે. પૂછપરછ દરમિયાન, મૌલાના અમદાવાદ શહેરના જુહાપુરાના રહેવાસી હોવાની વિગતો સામે આવી છે.

 

ધારીના એ.એસ.પી. જયવીર ગઢવી દ્વારા તપાસ શરૂ કરવામાં આવી છે, અને સમગ્ર મામલે અમરેલી એસ.ઓ.જી.ની ટીમ પણ તપાસમાં જોડાઈ છે. આ ઘટનાને લઈને સ્થાનિક સ્તરે ચિંતાનો વિષય બન્યો છે, અને પોલીસ દ્વારા વધુ તપાસ ચાલુ છે.

 આ પણ વાંચો---  SURAT : 19 વર્ષીય મોડેલની આત્મહત્યા, પોલીસમાં ચોંકાવનારો ઘટસ્ફોટ

સમાચાર મેળવવા આજે જ અમારી WAHTSAPP ચેનલ સાથે જોડાવ