બનાસકાંઠાના મુખ્ય મથક પાલનપુરમાં એક ગંભીર અકસ્માતની ઘટના સામે આવી છે, જેમાં પૂરપાટ ઝડપે આવી રહેલી કારે 3 લોકોને અડફેટે લેતા એક મહિલાનું ઘટના સ્થળે જ મોત થયું છે, જ્યારે અન્ય 2 લોકો ઈજાગ્રસ્ત થયા છે. આ ઘટના પાલનપુરના હનુમાન ટેકરી સર્વિસ રોડ વિસ્તારમાં બની હતી. પ્રાથમિક માહિતી મુજબ, કારચાલકે ઓવરટેક કરવાના પ્રયાસમાં પોતાની કાર પરથી કાબૂ ગુમાવ્યો હતો, જેના પરિણામે અકસ્માત સર્જાયો હતો.&nbsp;
પોલીસ કાફલો તાત્કાલિક ઘટના સ્થળે દોડ્યો
કાર ચાલકે દૂધ લઈને જઈ રહેલા એક મહિલા સહિત 3 લોકોને અડફેટે લીધા હતા, જેના પગલે સ્થળ પર હાજર લોકોના ટોળે ટોળાં ઉમટી પડ્યા હતા. મૃતક મહિલાની ઓળખ પાલનપુરની ગાયત્રી નગર સોસાયટીમાં રહેતા ભારતીબેન ઠક્કર તરીકે થઈ છે, જેમનું ઘટનાસ્થળે જ મોત થયું હતું. જ્યારે અકસ્માતમાં ઈજાગ્રસ્ત થયેલા 2 પુરુષોને તાત્કાલિક સારવાર અર્થે નજીકની હોસ્પિટલમાં ખસેડવામાં આવ્યા છે. અકસ્માતની જાણ થતાં જ પોલીસનો કાફલો તાત્કાલિક ઘટના સ્થળે દોડી આવ્યો હતો.
આ પણ વાંચો: <a href="https://www.benefitnews24.com/gujarati/gujarat/accident-on-himmatnagar-gidc-overbridge/23168" target="_blank" rel="noopener">હિંમતનગર GIDC ઓવરબ્રિજ પર અકસ્માત</a>
મૃતદેહને પોસ્ટમોર્ટમ માટે ખસેડ્યો
સ્થાનિકોએ તાત્કાલિક કારચાલકને પકડી પાડીને પોલીસના હવાલે કર્યો હતો. પોલીસની તપાસમાં સામે આવ્યું છે કે, કારચાલક આબુ રોડનો રહેવાસી ઈશ્વર પાટીલ છે, જેની પોલીસે ઘટના બાદ જ અટકાયત કરી લીધી છે. પોલીસે મૃતક ભારતીબેન ઠક્કરના મૃતદેહને પોસ્ટમોર્ટમ માટે ખસેડ્યો હતો અને પોસ્ટમોર્ટમ થયા બાદ મૃતદેહ પરિજનોને સોંપવામાં આવશે. પોલીસે આ ગંભીર અકસ્માત અંગે ગુનો નોંધીને કાયદેસરની કાર્યવાહી શરૂ કરી અને અકસ્માતની વધુ તપાસ હાથ ધરી છે, જેથી આ અકસ્માત પાછળના ચોક્કસ કારણો જાણી શકાય.&nbsp;

પાલનપુરમાં અકસ્માત

અકસ્માતમાં 1 મહિલાનું મોત અને 2 પુરુષો ઈજાગ્રસ્ત થયા, પોલીસે કારચાલકની અટકાયત કરી

November 26, 2025 | 12:29 IST