સુરતમાં ફ્લેટમાં આગ લાગતા છઠ્ઠા માળે ફસાઈ NRI યુવતી

સુરતના નાનપુરા વિસ્તારમાં આવેલા એક એપાર્ટમેન્ટના છઠ્ઠા માળે આગ લાગતા અફરાતફરી મચી ગઈ. આ ઘટના દરમિયાન એક 22 વર્ષીય NRI યુવતી, અહમતતુલા મુકાદમ, લંડનથી આવી હતી, જે ફ્લેટમાં એકલી હતી. આગ લાગતા, યુવતી આફતમાંથી બચવા માટે બારીમાંથી બહાર નીકળી ગઈ અને એસીના કમ્પ્રેસર પર ઊભી રહી ગઈ. યુવતી બચાવ માટે બૂમો પાડી રહી હતી, અને તાત્કાલિક ફાયર વિભાગને જાણ કરવામાં આવી હતી.

વોશિંગ મશીનમાં ધડાકાથી લાગી હતી આગ

આગ લગાવવાનું કારણ વોશિંગ મશીનમાં થયેલા શોર્ટ સર્કિટ હોવાનું માનવામાં આવી રહ્યું છે. બપોરના 11:27 વાગ્યે આ વિસ્ફોટ થયો હતો, જેના કારણે આગ ઝડપથી સમગ્ર ફ્લેટમાં ફેલાઈ ગઈ હતી. વોશિંગ મશીન નજીક લાકડાના કબાટ અને ચોપડાઓ રાખવામાં આવ્યા હતા, જેના કારણે ધુમાડો વધુ થયો અને આગ વિકરાળ બની ગઈ હતી.

ફાયર ટીમે હાઈડ્રોલિકની મદદથી કર્યું યુવતીનું રેસ્ક્યૂ

ફાયર વિભાગના છ વાહનો, એક હાઇડ્રોલિક, અને એક ટીટીએલ મશીન ઘટનાસ્થળે દોડી ગયા. આગને કાબૂ લેવા માટે 4 ફાયર ફાઈટર્સ ઓક્સિજન માસ્ક પહેરીને યુવતીને બચાવવા માટે પહોંચ્યા. કેટલીક જહેમત બાદ, વતીને બચાવવવામાં તેમને સફળતા મળી હતી.

સારવાર માટે યુવતીને હોસ્પિટલ મોકલવામાં આવી

આગ પર કાબૂ  મળવ્યા બાદ, યુવતીનું તાત્કાલિક સારવાર માટે નજીકની હોસ્પિટલ ખસેડવામાં આવી. વધુમાં, આગના કારણે લાકડાના કબાટ, વોશિંગ મશીન સહિતનાં સામાન સળગીને ખાખ થઈ ગયા. જોકે, આ ઘટનામાં કોઈ જાનહાનિ નથી થઈ, જે ફાયર વિભાગ માટે રાહતની વાત હતી.