ગુજરાત ATS અને DRIની મોટી સફળતા, 83 કરોડના ગેરકાયદેસર સોનાનો પર્દાફાશ

અમદાવાદ : ગુજરાત ATS (એન્ટી ટેરરિઝમ સ્ક્વોડ) અને DRI (ડિરેક્ટોરેટ ઓફ રેવન્યુ ઇન્ટેલિજન્સ) દ્વારા સંયુક્ત ઓપરેશન ચલાવવામાં આવ્યું, જેમાં શહેરમાંથી મોટા પાયે ગેરકાયદેસર સોનાની હેરફેરનો પર્દાફાશ થયો છે.

આ ઓપરેશન દરમિયાન શહેરના એક જાણીતા બ્રોકરના મકાનમાંથી આશરે 90થી 100 કિલોગ્રામ સોનું ઝડપાયું છે, જેની કિંમત 83 કરોડ રૂપિયા કરતાં વધુ હોવાનું અનુમાન છે. Gujarat ATS અને DRIની ટીમે ગુપ્ત માહિતીના આધારે આ દરોડા હાથ ધર્યા હતા.

પ્રાથમિક તપાસમાં જાણવા મળ્યું છે કે આ સોનું ગેરકાયદેસર રીતે વિદેશથી સ્મગલ કરીને અહીં લાવવામાં આવ્યું હતું. તપાસ દરમિયાન જે આરોપીઓ ઝડપાયા છે, તેઓના કનેક્શન અન્ય શહેરો અને આંતરરાષ્ટ્રીય કડીઓ સાથે જોડાયેલા હોવાની શકયતા છે.

હાલ, Gujarat ATS અને DRI ની ટીમ સમગ્ર મામલાની ઊંડાણપૂર્વક તપાસ કરી રહી છે. આ સોનાને ક્યાંથી અને કેવી રીતે લાવવામાં આવ્યું, અને કોના કોના હાથે તેનું વિતરણ થતું હતું, તે જાણવા માટે વધુ તપાસ ચાલુ છે.