રાજકોટમાં વધુ એક નમકીન ફેક્ટરીમાં ભીષણ આગ

રાજકોટમાં ફરી એક વખત નમકીન બનાવતી કંપનીમાં ભીષણ આગ લાગી છે. સવારના 9.30 વાગ્યાની આસપાસ આ આગ લાગી હોવાના માહિતી સામે આવી રહી છે. ઘટનાની જાણ થતાં જ ફાયર વિભાગ ઘટના સ્થળે પહોંચીને આગ પર કાબુ મેળવવાનો પ્રયાસ હાથ ધરવામાં આવી રહ્યા છે. હાલમાં કોઇ જાનહાનિના સમાચાર સામે આવ્યા નથી.

મળતી માહિતી પ્રમાણે રાજકોટના નાકરાવાડી નજીક વેફર અને નમકીન બનાવતી કંપની  KBZમાં વિકરાળ આગ લાગતા દોડધામ મચી જવા પામી છે. આગ એટલી વિકરાળ હતી કે દૂર દૂર સુધી ધૂમાડાના ગોટે ગોટાં દેખાઇ રહ્યા છે. કલાકો બાદ પણ હજુ આગ બેકાબૂ છે. હાલ ચાર થી પાંચ ફાયર ફાયટરની ગાડીઓ ઘટના સ્થળે પહોંચી આગ બુઝાવવાનું કામ કરી રહી છે. હાલમાં કેટલું નુકસાન થયુ છે તેની માહિતી સામે આવી નછી. શરૂઆતના સમયમાં જ માલિક અને અન્ય ત્યાનાં માણસો પાસેથી મળતી માહિતી પ્રમાણે તમામ લોકોને આ ઘટનામાં સહી સલામત બહાર ખસેડી દેવામાં આવ્યા હતા. પાંચ જેટલી ગાડીઓ આગ પર કાબૂ મેળવવાનો પ્રયાસ હાથ ધરી રહી છે.