સુરતની ઘટના, દેવામાં ફસાયેલા એક જ પરિવારના 3 સભ્યોનો સામૂહિક આપઘાત

સુરતમાં ફરી એક વાર હચમચાવી નાખે તેવી ઘટના સામે આવી છે. શહેરના અમરોલી વિસ્તામાં આવેલ  એન્ટેલિયા ફ્લેટમાં રહેતા એક જ પરિવારના 3 સભ્યોએ સામૂહિક આપઘાત કરતા ચકચાર મચી જવા પામી છે. માતા-પિતા અને 30 વર્ષીય પુત્રએ આર્થિક સંકળામણને કારણે આપઘાત કર્યો હોવાનું પ્રાથમિક તપાસમાં સામે આવ્યું છે. આમહત્યાની જાણ થતાં સોસાયટીના રહીશોએ તમામને હોસ્પિટલ ખસેડ્યા હતા, જ્યાં હાજર ડૉક્ટરોની ટીમે તેમને મૃત જાહેર કર્યા હતાં.

મળતી માહિતી મુજબ, આર્થિક સંકડામણના લીધે ભરતભાઇ સસાંગિયા (પુત્ર), વનિતા સસાંગિય (પત્ની) અને પુત્ર હર્ષ સસાંગિયાએ આ પગલું ભર્યું હતું. ઘરમાંથી એક સુસાઇડ નોટ પણ મળી આવી છે, જેમાં લેણદારો હેરાન કરતાં હોવાથી કંટાળીને આત્મહત્યા કરી હોવાનો ઉલ્લેખ કરવામાં આવ્યો છે.

આ ઘટનાની જાણ પોલીસને થતાં તેઓ તાત્કાલિક સ્થળ પર પહોંચી આગળની તપાસ હાથ ધરી હતી. તપાસ દરમિયા પોલીસને એક સ્યુસાઇડ નોટ પર મળી આવી છે. સ્યુસાઇડ નોટમાં પરિવારને લેણદારો પરેશાન કરતાં અનેક લોકોના નામ પણ લખવામાં આવ્યા છે. પોલીસે હાલ તમામ મૃતદેહને પોસ્ટમોર્ટમ ખાતે મોકલી સ્યુસાઇડ નોટને કબજે કરી છે.