સ્થાનિક સ્વરાજની ચૂંટણીનું મતદાન પૂર્ણ, સરેરાશ 56.60 ટકા થયું મતદાન 

ગુજરાતમાં જૂનાગઢ મહાનગરપાલિકા (મનપા), 68 નગરપાલિકા અને તાલુકા પંચાયત માટે શનિવારે મતદાન પ્રક્રિયા શાંતિપૂર્ણ માહોલમાં પૂર્ણ થઈ. સરેરાશ 56.60 ટકા મતદાન નોંધાયું, જેની સાથે 5085 ઉમેદવારોનું ભાવિ EVM માં કેદ થયા છે.

જૂનાગઢ મહાનગરપાલિકામાં મતદારોમાં સારો ઉત્સાહ જોવા મળ્યો હતો. 68 નગરપાલિકાઓ માટે વિવિધ વિસ્તારોમાં મતદાન યોજાયું હતું. તાલુકા પંચાયતની ચૂંટણી માટે પણ મતદારો મોટી સંખ્યામાં બહાર નીકળ્યા હતા.

રાજકીય સમીકરણ...

આ ચૂંટણીમાં મુખ્યત્વે ભાજપ, કોંગ્રેસ અને આમ આદમી પાર્ટી (AAP) વચ્ચે ત્રિપાંખીયો જંગ જોવા મળ્યો. તમામ પાર્ટીઓએ મતદારોને આકર્ષવા માટે ભારે પ્રચાર કર્યો હતો.

મતગણતરી અને પરિણામ...

ચૂંટણીના પરિણામો માટે મતગણતરી 18 મી ફેબ્રુઆરીએ યોજાશે. તમામ પક્ષોએ પોતાની જીતનો દાવો કર્યો છે, પણ કોણ બાજી મારશે તે જોવું રહ્યું.