ભુજના 5 વર્ષીય બાળકે ઈન્ડિયા બુક ઓફ રેકોર્ડમાં સ્થાન મેળવ્યું

ભુજના 5 વર્ષીય બાળકે 4:19 મિનિટમાં ઇ-કોમર્સ, વ્હીકલ્સ, સોશિયલ મીડિયા, ફૂડ બ્રાન્ડ્સ જેવા વિવિધ ક્ષેત્રોના 92 જેટલા લોગો ઓળખી બતાવી IBR Achiever નું ટાઇટલ જીતીને ઈન્ડિયા બુક ઓફ રેકોર્ડમાં નામ અંકિત કર્યું છે અને કચ્છની યશકલગીમાં વધારો કર્યો છે.

સોશિયલ મીડિયાના સમયમાં રોજ લોકો પોતાના ટેલેન્ટ થકી કંઈક ને કંઈ અલગ કરીને રાતોરાત ચર્ચામાં આવી જતા હોય છે અને વાયરલ થઈ જતાં હોય છે જેમાં હાલમાં ખાસ કરીને ઈન્સ્ટાગ્રામ પર ચાલી રહેલા અવનવી રીલના ટ્રેન્ડ અને યુટ્યુબ શોર્ટ વિડિયો માટે લોકો ખૂબ જ મહેનત કરીને કન્ટેન્ટ બનાવી રહ્યા છે એવી જ રીતે 5 વર્ષીય સ્વયમ શાહે 4:19 મિનિટમાં ઇ-કોમર્સ, વ્હીકલ્સ, સોશિયલ મીડિયા, ફૂડ બ્રાન્ડ્સ જેવા વિવિધ ક્ષેત્રોના 92 જેટલા લોગો ઓળખી બતાવી IBR Achiever નું ટાઇટલ જીતીને ઈન્ડિયા બુક ઓફ રેકોર્ડમાં નામ અંકિત કર્યું છે નાની ઉંમરમાં બાળકો જે ચિત્રો જોવે છે અને તેમને જે શીખવાડવામા આવે છે તેઓ સહેલાઈથી શીખી જાય છે અને ગ્રાસપિંગ પાવર વધારે હોય છે જેથી તેઓ યાદ વધારે રાખી શકે છે. 

સ્વયમના પિતાએ પોતાના નાના દીકરાએ 100 જેટલા વિવિધ બ્રાન્ડના લોગો યાદ રાખવા માટેનો પ્રયત્ન કર્યો હતો અને તેણે 92 જેટલા લોગો 4:19 મિનિટમાં રેકોર્ડ બનાવતા આનંદની લાગણી વ્યક્ત કરી હતી અને જણાવ્યું હતું કે આ અગાઉ બે વર્ષ પેહલા સ્વયમના મોટાભાઈ કિઆને આંખે પટ્ટો બાંધીને સ્કેટિંગ કરીને 59 સેકન્ડમાં 3 × 3 સાઈઝનો rubik's cube સોલ્વ કર્યું છે અને ઇન્ડિયા વર્લ્ડ રેકોર્ડ અને ઇન્ડિયા બુક ઓફ વર્લ્ડ રેકોર્ડમાં પોતાનું સ્થાન મેળવ્યું હતું ત્યારે બંને બાળકોએ આ રેકોર્ડ બનાવીને પરિવારનું નામ રોશન કર્યું છે.