હીટ એન્ડ રન: નારોલ-વિશાલા બ્રિજ પર 24 વર્ષીય યુવતીનું ઘટના સ્થળે મોત 

અમદાવાદ: નારોલથી વિશાલા તરફ જતાં બ્રિજના છેડે 24 વર્ષીય ભાવિ મોદી નામની યુવતી એક્ટિવા પર જઈ રહી હતી, ત્યારે એક અજાણ્યા વાહનચાલકે તેને ટક્કર મારી દીધી. ટક્કર લાગતાં તે જમીન પર પટકાઈ ગઈ અને માથામાં ગંભીર ઈજા થઈ, જેના કારણે યુવતીનું ઘટનાસ્થળે જ મોત થયું. 

આ દુર્ઘટના બાદ, સ્થાનિક ટ્રાફિક પોલીસને જાણ કરવામાં આવી, અને તેઓ તરત જ સ્થળ પર પહોંચી ગયા. યુવતીનો મૃતદેહ પોસ્ટમોર્ટમ માટે મોકલવામાં આવ્યો છે. પોલીસ સીસીટીવી ફૂટેજની મદદથી અજાણ્યા વાહનચાલકની ઓળખ કરવાની કોશિશ કરી રહી છે. આ અંગે વધુ તપાસ ચાલી રહી છે.