છેલ્લા 24 કલાકમાં 101 તાલુકાઓમાં મેઘરાજાએ કરી મહેર, આ જિલ્લાઓમાં એલર્ટ જાહેર

રાજ્યમાં સતત બીજા દિવસે મેઘમહેર યથાવત છે. રાજ્યમાં છેલ્લા 24 કલાકમાં 101 તાલુકામાં મધ્યમથી ભારે વરસાદ નોંધાયો છે. રાજ્યમાં સૌથી વધુ વલસાડના વાપીમાં 6.8 ઈંચ વરસાદ નોંધાયો છે. વલસાડ જિલ્લામાં એકંદરે 4 ઈંચ જેટલો વરસાદ છેલ્લા 24 કલાકમાં ખાબક્યો. દક્ષિણ ગુજરાતના નવસારી, ભરૂચ સુરત, ડાંગ, તાપી, નર્મદા અને દાહોદ સહિતના જિલ્લાઓમાં 1થી 3.5 ઈંચ જેટલો વરસાદ નોંધાયો.

20મી જૂનના દિવસની આગાહી

તાપી, નવસારી, ડાંગ, વલસાડ, દમણ અને દાદરા-નગર હવેલી જિલ્લામાં છૂટાછવાયા સ્થળોએ ભારે વરસાદ પડવાની શક્યતા છે. આ તમામ વિસ્તારોમાં યલો એલર્ટ જાહેર કરાયું છે.

21મી જૂનના દિવસની આગાહી

ફરી એકવાર તાપી, નવસારી, ડાંગ, વલસાડ, દમણ અને દાદરા-નગર હવેલી માટે ભારે વરસાદની આગાહી કરવામાં આવી છે અને યલો એલર્ટ યથાવત છે.

22મી જૂનના દિવસની આગાહી

અમરેલી, ભાવનગર, ભરૂચ, નર્મદા, સુરત, તાપી અને ડાંગ જિલ્લાઓમાં છૂટાછવાયા ભારે વરસાદ માટે યલો એલર્ટ છે. જ્યારે નવસારી, વલસાડ, દમણ અને દાદરા નગર હવેલીમાં ઓરેન્જ એલર્ટ આપવામાં આવ્યું છે.

23મી જૂનના દિવસની આગાહી

ઉત્તર ગુજરાતના બનાસકાંઠા અને સાબરકાંઠા જિલ્લામાં ઓરેન્જ એલર્ટ આપવામાં આવ્યું છે. કચ્છ, મોરબી, પાટણ, મહેસાણા, અરવલ્લી, જામનગર, દેવભૂમિ દ્વારકા, તાપી, ડાંગ, વલસાડ અને નવસારીમાં યલો એલર્ટ જાહેર કરાયું છે.

24મી જૂનના દિવસની આગાહી

કચ્છ, પાટણ, બનાસકાંઠા, ગીર સોમનાથ, નવસારી અને વલસાડ જિલ્લામાં ગાજવીજ સાથે ભારે વરસાદ માટે યલો એલર્ટ છે. મહેસાણા, ગાંધીનગર, સાબરકાંઠા, અરવલ્લી, મહીસાગર, દાહોદ, પંચમહાલ, મોરબી અને સુરેન્દ્રનગર જેવા વિસ્તારોમાં પણ વરસાદ પડવાની શકયતા દર્શાવવામાં આવી છે.