ગુજરાત વાસીઓ હવે ગરમી માટે તૈયાર રહેજો

ગુજરાતભરમાં હાલ  બેવડી ઋતુનો અનુભવ થઈ રહ્યો છે.સવારે ઠંડીનો અહેસાસ તેમજ રાત્રે ગરમીનો અહેસાસ થઈ રહ્યો છે. ગરમીનો અહેસાસ શરૂ થતાંની સાથ જ હવે ઉનાળાનું આગમન થતું જણાઈ રહ્યું છે. હવામાન વિભાગે ગરમીને લઈ ફરી એકવખત આગાહી કરી છે.

ગુજરાતવાસીઓએ હવે ગરમી માટે તૈયાર રહેવું પડશે. આગામી બે દિવસ બાદ 2-3ડિગ્રી તાપમાનમાં વધારો થવાની શક્યતા છે. 24 ફેબ્રુઆરીએ વેસ્ટર્ન ડિસ્ટર્બન્સ સક્રિય થતા ગરમીનો અનુભવ થઈ રહ્યો છે. અમદાવાદમાં મહત્તમ તાપમાન 33.7 તો રાજકોટમાં સૌથી વધુ 36.7 ડિગ્રી નોંધાયું છે.

હવામાન નિષ્ણાતના જણાવ્યા અનુસાર, આ વખતનો શિયાળો સામાન્યથી ઘણો સારો રહ્યો છે. શિયાળામાં જે પ્રકારે ઠંડી પડવી જોઇએ એ પ્રમાણે પડી છે. આપણા પૂર્વાનુમાન સાથે આ વખતે શિયાળો સારો જોવા મળ્યો છે. હવે ધીરે ધીરે શિયાળાની વિદાય થઇ રહી છે. મહત્વનું છે કે હાલ મિક્સ ઋતુનું વાતાવરણ ચાલી રહ્યું છે. આવા વાતાવરણમાં લોકોમાં શરદી ઉધરસ અને તાવની બીમારી પણ વધી રહી છે.