IMD Alert : સાવધાન! હવામાન વિભાગની કડક ચેતવણી, આખા ગુજરાતમાં ધોધમાર વરસાદ પડશે...

ગુજરાત પર આગામી દિવસોમાં મેઘરાજાનો ભયંકર પ્રકોપ જોવા મળશે. હવામાન વિભાગે રાજ્યના વિવિધ જિલ્લાઓ માટે રેડ, ઓરેન્જ અને યલો એલર્ટ જાહેર કર્યા છે, જે દર્શાવે છે કે આખા ગુજરાતમાં ધોધમારથી લઈને અતિભારે વરસાદની શક્યતા છે. નાગરિકોને સાવચેત રહેવા અને તંત્રને પૂર્વ તૈયારીઓ કરવા માટે આ કડક ચેતવણી આપવામાં આવી છે.

17-18 જૂન (મંગળ-બુધવાર), રેડ એલર્ટ હેઠળ ગુજરાતના અનેક જિલ્લા...

આજથી શરૂ કરીને બુધવાર સુધી, ગુજરાતના ઘણા જિલ્લાઓ માટે રેડ એલર્ટ જાહેર કરવામાં આવ્યું છે. જેમાં ખાસ કરીને અમદાવાદ, પોરબંદર, જૂનાગઢ, ગીર સોમનાથ, અમરેલી અને ભાવનગર સહિત અન્ય જિલ્લાઓમાં અતિભારે વરસાદ પડવાની આગાહી છે. આ વિસ્તારોમાં જળબંબાકારની સ્થિતિ સર્જાઈ શકે છે, અને નીચાણવાળા વિસ્તારોમાં પાણી ભરાવાની શક્યતા છે.

19 જૂન (ગુરૂવાર), દક્ષિણ ગુજરાતમાં ઓરેન્જ એલર્ટ...

ગુરૂવારે દક્ષિણ ગુજરાતના જિલ્લાઓ પર વરસાદનું જોર રહેશે. સુરત, નવસારી, ડાંગ, વલસાડ, દમણ અને દાદરા નગર હવેલી માટે ઓરેન્જ એલર્ટ જાહેર કરાયું છે. આ ઉપરાંત, રાજ્યના અન્ય 9 જિલ્લાઓમાં પણ યલો એલર્ટ રહેશે, જે સૂચવે છે કે ત્યાં પણ ભારે વરસાદ પડી શકે છે.

આ પણ વાંચો : Bhavnagar - Dhandhuka હાઈવે બંધ, શેત્રુંજી નદી બે કાંઠે, 60 લોકો ફસાયા, અનેક માર્ગો તૂટ્યા!

20 જૂન (શુક્રવાર), દક્ષિણ ગુજરાતમાં યલો એલર્ટ ચાલુ...

શુક્રવારે દક્ષિણ ગુજરાતના નવસારી, ડાંગ, વલસાડ, દમણ અને દાદરા નગર હવેલીમાં વરસાદ ચાલુ રહેશે, જોકે એલર્ટનું સ્તર ઘટીને યલો એલર્ટ રહેશે.

21 જૂન (શનિવાર), રાજ્યના 12 જિલ્લાઓમાં યલો એલર્ટ...

શુક્રવાર પછી શનિવારે પણ વરસાદનું જોર ચાલુ રહેશે. રાજ્યના 12 જિલ્લાઓમાં યલો એલર્ટ જાહેર કરાયું છે, જેમાં અરવલ્લીથી ડાંગ સુધીના વિસ્તારોમાં ભારે વરસાદની આગાહી છે.

આ પણ વાંચો : Rain : સૌરાષ્ટ્રમાં ચોમાસાનો ધમાકેદાર પ્રારંભ, 22 ડેમોમાં નવા નીર, ખેડૂતોમાં ખુશીની લહેર!

22 જૂન (રવિવાર), ઉત્તર ગુજરાતમાં ઓરેન્જ એલર્ટ...

રવિવારે વરસાદ ઉત્તર ગુજરાત તરફ આગળ વધશે. ઉત્તર ગુજરાતના 4 જિલ્લાઓ – સાબરકાંઠા, અરવલ્લી, મહિસાગર અને દાહોદ – માટે ઓરેન્જ એલર્ટ જાહેર કરવામાં આવ્યું છે, જ્યાં અતિભારે વરસાદની શક્યતા છે. આ ઉપરાંત, અન્ય 20 જિલ્લાઓમાં પણ યલો એલર્ટ રહેશે.

23 જૂન (સોમવાર), ઉત્તર ગુજરાતમાં ઓરેન્જ એલર્ટ યથાવત...

સોમવારે પણ ઉત્તર ગુજરાતના 5 જિલ્લાઓ – બનાસકાંઠા, પાટણ, મહેસાણા, સાબરકાંઠા અને અરવલ્લી – માટે ઓરેન્જ એલર્ટ યથાવત રહેશે. રાજ્યના અન્ય 13 જિલ્લાઓમાં યલો એલર્ટ રહેશે. આગામી દિવસોમાં ગુજરાતમાં ભારેથી અતિભારે વરસાદની સંભાવના હોવાથી, નાગરિકોને ખાસ સાવચેતી રાખવા વિનંતી છે. નીચાણવાળા વિસ્તારોમાં રહેતા લોકો અને નદી-નાળાની નજીક રહેતા લોકોએ સાવચેત રહેવું. તંત્ર દ્વારા પણ પૂરતી તૈયારીઓ કરવામાં આવે અને કોઈપણ કટોકટીની સ્થિતિને પહોંચી વળવા માટે સજ્જ રહે તે અત્યંત આવશ્યક છે.

આ પણ વાંચો : Ahmedabad : દરિયાપુરમાં એક જ લાઇનમાં ત્રણ ભૂવા: AMC ની ડ્રેનેજ લાઇનના નબળા કામોનો ભાંડો ફૂટ્યો!