પાલનપુરમાં વીડિયો વાયરલ કરી યુવતીની આત્મહત્યા

બનાસકાંઠાના પાલનપુરમાં ચોંકાવનારો બનાવ બન્યો છે જ્યાં એક યુવતીએ આત્મહત્યા કરી લીધી છે પણ આત્મહત્યા કરતા પહેલાં તેણે વીડિયો વાયરલ કરી માફી માગી હતી. પોલીસે આ મામલે તપાસ શરુ કરી હતી. પોલીસ તપાસમાં એક યુવક સાથેનો કોલ અને વીડિયો રેકોર્ડીંગ મળતા પોલીસે અજાણ્યા યુવક સામે પણ તપાસ શરુ કરી છે.

મળતી માહિતી મુજબ  બનાસકાંઠાના પાલનપુરમાં એક યુવતીએ આત્મહત્યા કરી લીધી છે પણ તેણે અંતિમ પગલું ભરતાં પહેલા તેણે  વીડિયો બનાવીને માફી માગી હતી. ઘટનાની જાણ થતાં પાલનપુર પોલીસ સ્થળ પર પહોંચી હતી.

પોલીસ તપાસમાં યુવતીના ફોનમાંથી કોલ રેકોર્ડીંગ અને વીડિયો રેકોર્ડીંગ મળ્યા હતા જેમાં કોઇ યુવક સાથે કોલ કરેલા હોવાનું જાણવા મળતાં પોલીસ પણ ચોંકી ઉઠી હતી. 

સમગ્ર મામલે યુવતીના પરિવારે અજાણ્યા યુવકની સામે પોલીસમાં ફરિયાદ નોંધાવી છે. આ યુવક કોણ છે, યુવતીએ કોને કોને ફોન કરેલા છે તથા યુવતીને આત્મહત્યા કેમ કરવી પડી તે સવાલો અંગે પોલીસે તપાસ શરુ કરી છે.