વટવા GIDCમાં લાગી ભીષણ આગ

 અમદાવાદમાં વટવા GIDCમાં ભીષણ આગ લાગી છે. વટવા GIDCમાં ફેજ-1માં પ્લોટ નંબર 123-124માં આગ લાગવાની ઘટના સર્જાઈ છે. સમગ્ર ઘટનાને પગલે ફાયર વિભાગની 13 ગાડીઓ ઘટનાસ્થળે દોડી આવી. આ સાથે આગના બનાવને લઈને પોલીસ કાફલો પણ ઘટના સ્થળ પર આવી પહોંચ્યો.

મળતી માહિતી મુજબ, વટવા GIDCમાં ફેજ-1માં પ્લોટ નંબર 123-124માં અલકેશ એન્ટરપ્રાઇઝ નામના એકમમાં આગ લાગી. સોલ્વન્ટ નામનું કેમિકલ ઉપયોગમાં લેવાતું હોવાથી ફાયર વિભાગની વધુ ગાડીઓને તૈયાર રહેવા સૂચના આપવામાં આવી છે. જ્યારે પોલીસનો કાફલો પણ રસ્તા પર ઉતારી દેવામાં આવ્યો છે.

ઉલ્લેખનીય છે કે, ફાયર વિભાગની 16 ગાડીઓ દ્વારા આગ કાબુમાં લઈ લેવામાં આવી હતી. અને હાલ આગ લાગેલી જગ્યાએ ઠંડુ કરવાની પ્રક્રિયા ચાલી રહી છે.