સુરતની ટેક્સટાઇલ માર્કેટની આખી બિલ્ડીંગ આગની ઝપેટમાં, ડ્રોન કેમેરાની મદદ લેવાઇ

સુરતમાં શિવ શક્તિ ટેક્સ્ટાઇલ માર્કેટમાં ભીષણ આગની ઘટના  બની છે. હજું પણ ફાયર બ્રિગેડના જવાનો આગને કાબુમાં લેવાનો પ્રયાસ કરી હ્યા છે. હવે તો આખી બિલ્ડીંગ આગની ઝપેટમાં આવી ગઇ છે. આગને બુઝાવવા માટે ડ્રોન કેમેરાની મદદ લેવાઇ છે. માર્કેટના ક્યા ભાગમાં કેટલી ભીષણ આગ ફેલાયેલી છે તે જાણવા ડ્રોનની મદદ લેવાઇ છે. ફાયર બ્રિગેડના અધિકારીઓ દ્વારા ડ્રોન કેમેરાથી માર્કેટમાં લાગેલી આગનું નિરીક્ષણ કરવામાં આવ્યું છે. ડ્રોનના દ્રષ્યોમાં ધુમાડાના ગોટેગોટા દેખાઇ રહ્યા છે. અત્યારે તો આખુ બિલ્ડીંગ આગની ઝપેટમાં આવી ગયું છે. આગના કારણે વેપારીઓની માઠી દશા બેઠી છે. લાખો રુપિયાનું નુકશાન થતાં વેપારીઓ રડમસ થઇ ગયા છે.

ઉલ્લેખનિય છે કે  રીંગ રોડ વિસ્તારમાં આવેલી ટેક્સટાઇલ માર્કેટમાં ફરી વિકરાળ આગ લાગી છે જેના પગલે ફાયર બ્રિગેડમાં મેજર કોલ જાહેર કરાયો છે. અત્યારે 20થી વધુ ફાયરન ગાડીઓ સ્થળ પરઆગ બુઝાવાની કામગિરી કરી રહી છે. આ ઘટના શિવ શક્તિ ટેક્સટાઇલ માર્કેટમાં બની છે. ગઇ કાલે પણ આ જ માર્કેટમાં આગ લાગી હતી જેમાં 1 વ્યક્તિનું મોત થયું હતું ત્યારે આજે ફરી આગ લાગતાં ચારે તરફ અફરાતફરી મચી ગઇ છે.

સુરતના શિવશક્તિ ટેક્સટાઇલ માર્કેટમાં આજે ફરી ભીષણ આગ લાગી છે. આ આગ  1થી 4 ફ્લોર પર ફેલાઇગઇ છે . આગના પગલે અનેક દુકાનો આગની ઝપેટમાં આવી ગઈ છે. આગ વધુ ફેલાવાના પગલે 20થી વધુ ફાયર બ્રિગેડની ગાડીઓ ઘટનાસ્થળે ખડકાઈ છે અને સતત 4 કલાકથી પાણીનો મારો ચલાવી આગ કાબૂમાં લેવાના પ્રયત્નો હાથ ધરવામાં આવ્યા છે. ફાયરના જવાનો ઓક્સિજન માસ્ક પહેરી અધિકારીઓ અલગ અલગ ફ્લોર પર પહોંચ્યા છે અને આગને કાબૂમાં લેવાના પ્રયત્નો હાથ ધર્યા છે.

આગ ખૂબ જ મોટા પ્રમાણમાં અંદર ફેલાઈ રહી છે. આગ બુઝાવી રહેલા કેટલાક ફાયરના અધિકારીઓ પણ અંદર ફસાઈ ગયા હતા. જો કે તેઓ સલામત રીતે  બહાર આવી ગયા છે.  હજી અંદર પણ ધડાકા સાથે ખૂબ મોટા પ્રમાણમાં આગ ચાલુ છે. સ્થળ પર સુરત ફાયર બ્રિગેડના અલગ-અલગ સ્ટેશનની ગાડીઓને બોલાવી લેવામાં આવી છે. અત્યારે આગ ઉપર કંટ્રોલ લાવવા માટેની કામગીરી હાથ ધરાઇ છે. ચારથી પાંચ માળ સુધી આગ પ્રસરી ચૂકી છે. કયા કારણસર આગ લાગી છે તે તપાસ હજી ચાલી રહી છે, પરંતુ, પ્રાથમિક રીતે ઇલેક્ટ્રિસિટી ચાલુ થવાથી એકાએક ધડાકા થયા હોવાનું જાણવા મળ્યું છે.

ઉલ્લેખનિય છે કે ગઇ કાલે પણ આ જ માર્કેટમા આગ લાગી હતી પણ આજે સવારે ફરીથી એકાએક આગ લાગી ગઈ છે. પ્રાથમિક રીતે જાણવા મળ્યું છે કે, કોઈક વ્યક્તિ દ્વારા ઈલેક્ટ્રિક સ્વીચને શરૂ કરવામાં આવી હતી જેને કારણે આગ લાગી છે. શિવ શક્તિ ટેક્સ્ટાઇલ માર્કેટમાં ફાયરની સુવિધા પણ છે અને તેમણે એનઓસી પણ લીધી છે છતાં પણ આ કયા કારણસર આગ લાગી છે તેની તપાસ કરવામાં આવી રહી છે.

શિવશક્તિ ટેક્સટાઇલ માર્કેટના બેઝમેન્ટમાં આગ લાગતા દોડધામ મચી ગઈ હતી. માર્કેટનો સમય હોવાના કારણે ખૂબ મોટી સંખ્યામાં લોકો માર્કેટની અંદર હતા. એકાએક આગ લાગતા લોકો પોતાનો જીવ બચાવવા બહાર ભાગ્યા હતા.જોકે, ધુમાડામાં ગૂંગળાઈ જવાથી એક વ્યક્તિનું મોત નીપજ્યું હતું.