ભરૂચ નજીક ભયંકર અક્સામાત, 7 ગાયના મોત 7 ગંભીર

ભરૂચના નેશનલ હાઇવે 48 પર વરેડિયા ચોકડી પાસે ભયંકર અક્સ્માત સર્જાયો હતો. જેમાં 7 ગાયોના મોત નિપજ્યા હતા અને 7 ગાયોને ગંભીર ઇજાઓ પહોંચી છે.હાઇવે પર પશુ પાલકો દ્વારા ચરવા માટે ગાયો લઇ જઇ રહ્યા હતા. ત્યારે વરેડિયા ચોકડી નજીકથી ગાયોનું ધણ પસાર થઇ રહ્યું હતું. જો કે હોટલમાં પાર્ક ખટારાનું ટાયર ફાટતા ગાયો ભડકીને ભાગી હતી.

ટાયર ફાટતા ગાયો ભડકી
ગાયો ભડકીને રોડ તરફ ભાગતા રોડ પર આવી રહેલા ટ્રેલરની અડફેટે ચડી ગઇ હતી. જેના કારણે 7 જેટલી ગાયોને અકસ્માત નડ્યો હતો. જ્યારે 7 ગાયો ગંભીર રીતે ઇજાગ્રસ્ત થઇ હતી. રોડ પર લોહી જ લોહીથી લથબથ બન્યો હતો. માહિતી મળતાની સાથે જ પાંજરાપોળના લોકોને દોડી આવ્યા હતા અને સારવાર અર્થે પાંજરાપોળ ખાતે ખસેડવામાં આવી હતી.

ટ્રેલર ચાલક અકસ્માત બાદ ફરાર
બીજી તરફ ટ્રક ચાલક અકસ્માત સર્જીને ઘટના સ્થળ પરથી ફરાર થઇ ગયો હતો. હાલ તો આ મામલે પોલીસ દ્વારા સીસીટીવી સહિતની સામગ્રી કબ્જે કરીને કાર્યવાહી હાથ ધરવામાં આવી છે. ફરાર થયેલા ટ્રેલર ચાલકને ઝડપી લઇને આગળની કાર્યવાહી હાથ ધરી છે. તો બીજી તરફ પશુપાલકને લાખો રૂપિયાનું નુકસાન થયું છે. માલિક દ્વારા સરકાર પાસે વળતરની માંગણી કરવામાં આવી હતી.