મગરનું આશ્રયસ્થાન ગણાતી વિશ્વામિત્રીમાં આજથી મગરની ગણતરી

મગરનું આશ્રયસ્થાન ગણાતી વડોદરા શહેરની વિશ્વામિત્રી નદીમાં આજથી મગરની ગણતરી શરુ કરાઇ છે. 27 ટીમના 237 કર્મચારીઓ દિવસ રાત ગણતરીની કામગિરી કરશે. 2 દિવસ સુધી મગરની ગણતરીની પ્રક્રિયા ચાલશે અને જાણવા મળશે કે વિશ્વામિત્રીમાં કેટલા મગર વસવાટ કરી રહ્યા છે. 

આજથી વડોદરાની વિશ્વામિત્રી નદીમાં આવેલ મગરની ગણતરી શરુ કરવામાં આવી છે. આ ગણતરીમાં 27 ટીમના 287 કર્મચારી જોડાયા છે અને તેઓ ડે અને નાઈટ કાઉન્ટીંગ કરશે. તેઓ સમાથી તલસટ સુધીના વિશ્વાસમિત્રી પટમાં  મગરોની વસતી ગણતરી કરશે.

મગરની વસતી ગણતરી માટે  વિશ્વામિત્રી નદીના 25 કિમીના પટને 6 ઝોનમાં વહેંચવામાં આવ્યો છે અને કાઉન્ટિંગની સાથે સાથે ડ્રોન દ્વારા વિઝ્યુલ્સ લેવાશે તથા ફોટોગ્રાફી પણ કરાશે. આજે અને આવતીકાલે એમ 2 દિવસ મગરની વસતી ગણતરી કરાશે. કાર્યકરોને મગરની ગણતરી માટે ખાસ તાલીમ પણ આપવામાં આવી છે.દરેક ઝોનમાં 5 કિમીના દાયરામાં રાખવામાં આવ્યો છે. મગરને કોઇ ખલેલ ના પહોંચે તે રીતે ગણતરીની કામગિરી કરાશે. 

વડોદરા મહાનગરપાલિકાની સાથે વન વિભાગ, ગીર ફાઉન્ડેશન, સામાજિક વનીકરણ વિભાગ અને જીવદયા કાર્યકરો મગરની વસતી ગણતરી અભિયાનમાં જોડાશે. ઉલ્લેખનય છે. અગાઉના અંદાજ મુજબ વિશ્વામિત્રીમાં 400 થી વધુ મગર હોવાનું અનુમાન છે. વસતી ગણતરી સવારે 9થી 1 વાગે અને રાત્રે 8થી 11 કલાક સુધી કરવામાં આવશે. દરેક ટીમ દૂરબીન અને ટોર્ચ લાઇટ સાથે 15 ફૂટ દુરથી ઓબ્ઝર્વેશન કરીને મગરની ગણતરી કરશે. મગર માત્ર દોઢ કિમીના વિસ્તારમાં રહે છે અને આગળ જતો નથી તેથી તેને ધ્યાનમાં રાખીને ગણતરી કરાશે. 

વિશ્વામિત્રી નદી છેલ્લા ઘણા વર્ષોથી મગરનું આશ્રયસ્થાન બની છે. ઉનાળામાં નદીના પટમાં ઘણા મગર આરામ ફરમાવતા જોવા મળે છે તો ચોમાસામાં કે પૂરની પરિસ્થિતીમાં મગર રહેણાંક વિસ્તાર સુધી આવી જતા હોવાના અસંખ્ય બનાવો બનેલા છે. વિશ્વામિત્રીમાં કેટલા મગર છે તે હવે જાણી શકાશે