ચોખાની આડમાં રેડીમેડ કપડા ઘુસાડવાના ષડયંત્રનો પર્દાફાશ

ચોખાની આડમાં રેડીમેડ કપડાં ઘુસાડવાના ષડયંત્રનો પર્દાફાશ થયો છે. કચ્છના સામખીયાળી નજીકથી બાતમી આધારે ટ્રેલર સાથે બે આરોપીને સાયબર ક્રાઈમ બોર્ડર રેન્જ પોલીસે  ઝડપી પાડ્યા છે .. 

કચ્છમાં ચોખાના જથ્થાની આડમાં અલગ અલગ કંપીનીના રેડીમેન્ટ કપડાંના જથ્થા સાથે બે આરોપીને સાયબર ક્રાઇમ પોલીસે ઝડપી પાડયા છે. જીન્સ, સ્વેટરના ખોટા બીલ બનાવી, ટેક્ષ ચોરી કરી, બીલનો ખરા તરીકે ઉપયોગ કરી હરિયાણાથી ગાંધીધામ ખાતે પહોંચાડવામાં આવી રહ્યા હતા.  2 લાખ રૂપિયાના 2000 કિલો કપડાંના કુલ 80 બોરા સાથે બે આરોપીને ઝડપી પાડવામાં આવ્યા છે..હરીયાણા રાજ્યના પાણીપત ઝોન ખાતેથી આ માલ ટ્રેલરમાં ભરી ગાંધીધામ પહોંચાડવાના ષડયંત્રને પકડી પાડવામાં આવ્યું છે...

સાયબર ક્રાઇમ પોલીસ પેટ્રોલિંગ હતી તે દરમિયાન બાતમી મળી હતી કે  ટ્રેલર રજીસ્ટર નંબર જીજે-39-ટી-3059 પાણીપત હરીયાણાથી ચોખાની આડમાં આઘાર પુરાવા વગરના કપડાં ભરેલ બોરા લઈને ગાંધીધામ-કંડલા બાજુ જઈ રહ્યા છે...જે બાતમી આધારે સાયબર ક્રાઈમ પોલીસ સ્ટેશન સરહદી રેન્જ ભુજની ટીમે  ટોલનાકાથી ગાંધીધામ બાજુ જતા હાઇવે પર તપાસ કરતા પ્રેમલ હોટલ પર બાતમી મુજબનું ટ્રેલર મળી આવ્યું હતું.
ટ્રેલરના રાજસ્થાનના 28 વર્ષીય ડ્રાઇવર સાવરલાલ કાનારામજી ગુર્જર ને સાથે રાખી ટ્રેલરમાં તપાસ કરતા તેમાં ચોખાના કટા ભરેલ હતા  જે ચોખાના એક કટાનો વજન 40 કિલો જેટલું હતું અને કુલ ચોખાના 1000 કટા ભરેલ હતા. જેના બીલ બીલ્ટી ડ્રાઇવરે રજુ કર્યા હતા. તેમજ વધુ તપાસ કરતા આ ચોખાના કટાની આડમાં બાતમી મુજબના કપડાંના 80 બોરા જેનો કુલ વજન આશરે 2000 કિલો  મળી આવ્યા. પોલીસે 2 લાખની કિંમતના કુલ 2000 કિલોના કપડાના 80 બોરા તથા 20 લાખનું ટ્રેલર મળીને કુલ 22 લાખની કિંમતનો મુદ્દામાલ કબ્જે કર્યો છે. આ ગુના કામના આરોપીઓની ધરપકડ કરી. આરોપીના રિમાન્ડ મેળવી વધુ તપાસ હાથ ધરી છે...