અમદાવાદ પ્લેન ક્રેશ, વધુ એક માનવ અંગ મળ્યું..તપાસ એજન્સીને મળ્યું આ અગત્યનું ડિવાઇસ

અમદાવાદમાં થયેલા પ્લેન ક્રેશની ઘટનામાં તપાસનો દોર ચાલી રહ્યો છે. દરમિયાન કાટમાળ ખસેડવાની કામગિરી દરમિયાન વધુ એક માનવ અંગ મળી આવ્યું છે તો સાથે સાથે તપાસ એજન્સીને સર્ચ દરમિયાન પ્લેનના પાછળના ભાગેથી વાયરથી જોડાયેલું વોઇસ રેકોર્ડર ડિવાઇસ મળી આવ્યું છે. અગાઉ ફ્લાઇટનું બ્લેક બોકસ તથા ડીવીઆર પણ મળી આવ્યું છે જેના આધારે તપાસ એજન્સીઓએ તપાસ શરુ કરી દીધી છે. 

દૂર્ઘટના સ્થળ પર વિવિધ તપાસ એજન્સીઓ દ્વારા સતત તપાસ ચાલી રહી છે. એરક્રાફ્ટ એક્સિડન્ટ ઇન્વેસ્ટીગેશન બ્યુરોની ટીમ તથા અમેરિકાના નેશનલ ટ્રાન્સપોર્ટેશન સેફ્ટી બોર્ડ તથા બ્રિટનની બોઇંગ સેફ્ટીટીમ તથા એર ઇન્ડીયાની ટીમો તપાસ કરી રહી છે તો સાથે સાથે એનઆઇએની ટીમ તથા ડીજીસીવીએની ટીમ પણ તપાસ કરીરહી છે. દૂર્ઘટનાનું મુળ કારણ જાણવા માટે તપાસ એજન્સીઓ મથી રહી છે.  

બીજી તરફ સાંજના 4 વાગ્યાના અપડેટ મુજબ ડીએનએ મેચની કામગિરીમાં 114 મૃતદેહોની ઓળખ થઇ ચુકી છે તે પૈકી 64થી વધુ પરિવારોને મૃતદેહ સોંપી દેવાયા છે જ્યારે અન્ય મૃતદેહોના ડીએનએ ટેસ્ટ મેચિંગની કામગિરી ચાલી રહી છે. અમદાવાદ સિવીલ હોસ્પિટલમાં 170થી વધુ કોફિન પણ તૈયાર રખાયા છે. ડીએનએ મેચની કામગિરી રાત દિન કરાઇ રહી છે જેથી તેમ બને તેમ જલદી મૃતદેહોને તેમના પરિવારોને સોંપી શકાય