અજમેરમાં હોટલમાં લાગેલી આગમાં અમરેલીના દંપતી અને તેમના પુત્રનું મોત

અજમેરમાં ડિગ્ગી બજારમાં લાગેલી આગમાં અમરેલીના એક જ પરિવારના ત્રણ સભ્યોએ જીવન ગુમાવ્યો હોવાના અહેવાલ મળી રહ્યા છે. ગુરુવારે ડિગ્ગી બજારમાં આવેલી નાઝ હોટલમાં લાગેલી આગમાં અમરેલીના દંપતી અને તેમના પુત્રનું મોત થયું છે.

ગુરુવારે સવારે અજમેર શહેરમાં એક હોટલમાં આગ લાગવાથી અરાજકતા ફેલાઈ ગઈ હતી. અકસ્માત સમયે હોટલમાં 15 લોકો હાજર હતા. આગ સીડીઓ સુધી ફેલાઈ ગઈ હતી જેના કારણે લોકો બહાર નીકળી શક્યા નહીં અને હોટલમાં જ અટવાઈ ગયા. આ અકસ્માતમાં, ગુજરાતના એક દંપતી અને તેમના દોઢ વર્ષના પુત્ર સહિત ચાર લોકોના મોત થયા હતા, જ્યારે અન્ય ચાર લોકો દાઝી ગયા હતા. તેમની હાલત ગંભીર છે. પોતાને બચાવવા માટે, લોકોએ હોટલના ચોથા માળેથી કૂદી પડ્યા હતા. આખી ઇમારત માત્ર 30 મિનિટમાં બળીને ખાખ થઈ ગઈ.

હોટલમાં મોટી સંખ્યામાં યાત્રાળુઓ રોકાયા હતા. લગભગ સાડા ત્રણ કલાકની જહેમત બાદ આગ પર કાબુ મેળવી શકાયો.હતો. આ બનાવમાં અમરેલીમાં લાઠીમાં રહેતા અલ્ફ્રેઝ નુરાની તેમની 26 વર્ષીય પત્ની શબનમબેન નુરાની અને ત્રણ વર્ષીય પુત્ર અરમાન નુરાનીનું મૃત્યુ નીપજ્યું હતું. તેઓ અજમેર શરીફ દર્શન કરવા ગયા હતા. બનાવના પગલે લાઠીમાં ભારે શોકનું મોજુ ફરી વળ્યું છે. ત્રણેયના મૃતદેહ આજે લાઠી લાવવામાં આવશે.

આ પણ વાંચો--- દિલ્હી સહિત અનેક રાજ્યોમાં ભારે વરસાદ, છત પડવાથી 4 ના મોત

 

સમાચાર મેળવવા આજે જ અમારી WAHTSAPP ચેનલ સાથે જોડાવ