ગુજરાતમાં બહુચર્ચિત કોમેડિયન સમય રૈનાના તમામ શો રદ

સોશિયલ મીડિયામાં અશ્લીલતાના વિવાદમાં ઘેરાયેલા સ્ટેન્ડઅપ કોમેડિયન સમય રૈનાના ગુજરાતમાં યોજાનારા તમામ શો રદ કરાયા છે. ટિકિટોનું વેચાણ થઈ ગયા બાદ વિવાદ વકરતા હવે તમામ શો રદ કરી દેવામાં આવ્યા છે. મુંબઇ અને ગુવાહાટી પોલીસે સમય રૈના સામે ફરિયાદ નોંધી હોવા છતાં તેના શો માટે ટિકિટોનું વેચાણ થયું હતું.

ગુજરાતમાં સમય રૈનાના શો નું ટાઇટલ હતું 'સમય રૈના અનફિલ્ટર્ડ'. આ ટાઇટલ પરથી અંદાજ લગાવી શકાય છે કે, કોમેડીના નામે બેફામ કોમેન્ટ્સ થશે. 1:30 કલાકનો આ શો ફક્ત 18 થી વધુની ઉંમરના લોકો માટેનો હતો અને bookmyshow થી ઓનલાઈન બુકિંગ શરૂ થઈ ગયું હતું. ટિકિટના ભાવ 999 રૂપિયા રાખવામાં આવ્યા હતા.

અમદાવાદ, સુરત અને વડોદરામાં 'સમય રૈના અનફિલ્ટર્ડ' નામના આ શોનું આયોજન કરવામાં આવ્યું હતું. અમદાવાદમાં 19 અને 20 એપ્રિલે શેલાના ઔડા ઓડિટોરિયમ ખાતે બે શો યોજાવાના હતા. 20 એપ્રિલે રાત્રે 9 વાગ્યાનો શો પહેલાંથી જ હાઉસફુલ થઈ ગયો હતો. સુરતમાં 17 એપ્રિલે સંજીવકુમાર ઓડિટોરિયમમાં બે શો યોજાનાર હતા. જેમાં રાત્રે 8:30 વાગ્યાનો શો બુક થઈ ગયો હતો. 

સમય રૈના અને યુટ્યૂબર રણવીર અલ્લાહાબાદીના 'ઇન્ડિયા ગોટ લાટેન્ટ'ના શોની ક્લિપ્સથી વિનાદ શરૂ થયો હતો. રવિવારે વાયરલ થયેલી  ક્લિપ્સમાં અશ્લીલ કન્ટેન્ટને કારણે દેશભરમાં વિરોધ થયો  હતો. મુંબઇ પોલીસે સમય રૈના, રણવીર અલ્લાહાબાદી સહિત આશિષ ચાંચલાની, જસપ્રીતસિંહ અને અપૂર્વ માખીજા સામે ફરિયાદ નોંધી ધરપકડ કરી છે. સમય રૈના સ્ટેન્ડઅપ કોમેડિયન છે અને રણવીર અલ્લાહાબાદી પોડકાસ્ટ ચેનલ BeerBeeps માટે જાણીતો છે. આ બંનેના શોના અશ્લીલ કન્ટેન્ટની પોલિટિશનિયન્સ, મહિલા સંગઠનો, સેલિબ્રિટીઝ, આર્ટિસ્ટ અને નાગરિકોએ ટીકા કરી છે