અમદાવાદના મેકડોનાલ્ડ્સમાં મોટી બેદરકારી

Ahmedabad McDonalds Naroda Sealed: શહેરના નરોડા વિસ્તારમાં આવેલી મેકડોનાલ્ડ્સની એક શાખા સામે ગ્રાહકની ફરિયાદ બાદ ફૂડ સેફ્ટી વિભાગે કડક કાર્યવાહી હાથ ધરી છે.ઓનલાઈન ફૂડ ડિલિવરી દરમિયાન એક ગ્રાહકે વેજ બર્ગરનો ઓર્ડર આપ્યો હતો, પરંતુ તેના બદલે ચિકન બર્ગર પહોંચાડવામાં આવતા મામલો ગંભીર બન્યો હતો.ગ્રાહકે આ ઘટનાને ધાર્મિક લાગણી અને ગ્રાહક હક્કો સાથે જોડાયેલ ગંભીર બેદરકારી ગણાવી ફૂડ સેફ્ટી વિભાગમાં સત્તાવાર ફરિયાદ નોંધાવી હતી.ફરિયાદના આધારે અધિકારીઓએ સ્થળ પર તપાસ કરી અને રેસ્ટોરન્ટમાં વિવિધ પ્રકારની ખામીઓ સામે આવતાં રાતોરાત રેસ્ટોરન્ટને સીલ કરી દેવામાં આવ્યું.

શું છે સમગ્ર ઘટના?
મળતી માહિતી મુજબ નરોડા વિસ્તારમાં રહેતા એક યુવકે ઓનલાઈન ફૂડ ડિલિવરી એપ મારફતે મેકડોનાલ્ડ્સમાંથી વેજ બર્ગરનો ઓર્ડર કર્યો હતો. ગ્રાહકનો દાવો છે કે જ્યારે તેણે પેકેટ ખોલ્યું ત્યારે તેમાં વેજ બર્ગરના બદલે ચિકન બર્ગર હતું.શરૂઆતમાં યુવકને વિશ્વાસ ન આવ્યો, પરંતુ તપાસ કરતાં ઓર્ડરમાં ગંભીર ભૂલ થઈ હોવાનું સામે આવ્યું. આ ઘટના બાદ ગ્રાહકે રેસ્ટોરન્ટ અને ડિલિવરી કંપનીનો સંપર્ક કર્યો, પરંતુ સંતોષકારક જવાબ ન મળતાં તેણે સીધી ફૂડ સેફ્ટી વિભાગમાં ફરિયાદ નોંધાવી.

ગ્રાહકની રજૂઆત બાદ AMCના ફૂડ વિભાગે લીધા આકરાં પગલાં
ઓનલાઇન ઓર્ડર વેજ બર્ગરનો કર્યો હોવા છતાં પણ નોનવેજ બર્ગર રેસ્ટોરન્ટ તરફથી મોકલવામાં આવતા યુવક તાત્કાલિક રેસ્ટોરન્ટ પર ગયો હતો અને તેણે રજૂઆત કરી હતી. ઓનલાઇન પૈસા ચૂકવી દીધા બાદ રેસ્ટોરન્ટ તરફથી નોનવેજ બર્ગર મોકલી આપવામાં આવતા યુવકે આ મામલે મ્યુનિસિપલ કોર્પોરેશનના ફૂડ વિભાગમાં ફરિયાદ કરતા ટીમ રેસ્ટોરન્ટમાં પહોંચી હતી. રેસ્ટોરન્ટમાં તપાસ કરીને મેકડોનાલ્ડ્સ રેસ્ટોરન્ટને સીલ કરવામાં આવી હતી.

ગ્રાહકે ઉઠાવ્યા ગંભીર સવાલ
યુવકે જણાવ્યું કે તેણે સ્પષ્ટ રીતે વેજ ફૂડનો ઓર્ડર કર્યો હતો. નોનવેજ ખોરાક મોકલવો માત્ર ઓર્ડરની ભૂલ નથી પરંતુ અનેક લોકોની ધાર્મિક અને વ્યક્તિગત માન્યતાઓને ઠેસ પહોંચાડી શકે તેવી ગંભીર બેદરકારી છે.તેમણે માંગ કરી કે આવી બેદરકારી કરનાર સામે કડક કાર્યવાહી થવી જોઈએ જેથી ભવિષ્યમાં અન્ય કોઈ ગ્રાહક સાથે આવી ઘટના ન બને.ફરિયાદ મળતાં જ અમદાવાદ મ્યુનિસિપલ કોર્પોરેશનના ફૂડ સેફ્ટી વિભાગની ટીમ મેકડોનાલ્ડ્સની શાખા પર પહોંચી હતી. અધિકારીઓએ કિચન, સ્ટોરેજ, ફૂડ હેન્ડલિંગ સિસ્ટમ તેમજ વેજ અને નોનવેજ ફૂડની અલગ વ્યવસ્થાની તપાસ શરૂ કરી.

રાતોરાત સીલ કરાયું રેસ્ટોરન્ટ
ફૂડ વિભાગની કાર્યવાહી બાદ રેસ્ટોરન્ટ પર સીલ મારવામાં આવ્યું. અધિકારીઓએ જણાવ્યું કે જ્યાં સુધી તમામ ખામીઓ દૂર નહીં થાય અને જરૂરી મંજૂરી નહીં મળે ત્યાં સુધી રેસ્ટોરન્ટ ફરી શરૂ કરી શકાશે નહીં.આ કાર્યવાહી બાદ સ્થાનિક વિસ્તારમાં પણ ભારે ચર્ચા શરૂ થઈ ગઈ.ઘટના સામે આવ્યા બાદ સોશિયલ મીડિયા પર પણ લોકોમાં ભારે રોષ જોવા મળ્યો. ઘણા લોકોએ લખ્યું કે જાણીતી બ્રાન્ડ પાસેથી આવી બેદરકારીની અપેક્ષા રાખી શકાય નહીં.

યુવકની જાગૃતતા અને AMC દ્વારા કડક કાર્યવાહી
ઓનલાઈન ઓર્ડરમાં વેજ બર્ગરના પૈસા ચૂકવ્યા હોવા છતાં રેસ્ટોરન્ટ તરફથી નોન-વેજ બર્ગર મોકલવામાં આવતા યુવક રોષે ભરાયો હતો અને તાત્કાલિક રેસ્ટોરન્ટ પર પહોંચીને રજૂઆત કરી હતી. આટલેથી ન અટકતા, યુવકે આ ગંભીર બેદરકારી મામલે અમદાવાદ મ્યુનિસિપલ કોર્પોરેશન (AMC) ના ફૂડ વિભાગમાં પણ સત્તાવાર ફરિયાદ નોંધાવી હતી.યુવકની ફરિયાદ મળતા જ AMC ના ફૂડ વિભાગની ટીમ હરકતમાં આવી હતી અને તાત્કાલિક સ્થળ પર પહોંચી ગઈ હતી. ફૂડ વિભાગના અધિકારીઓએ રેસ્ટોરન્ટમાં સઘન તપાસ હાથ ધરી હતી અને આ ગંભીર છબરડા બદલ તાત્કાલિક અસરથી મેકડોનાલ્ડ્સ રેસ્ટોરન્ટને રાતોરાત સીલ કરી દીધી હતી.