મોટા ગોડાઉનમાં લાગી ભીષણ આગ

    આદેશ આશ્રમ પાસે ખુલ્લા પ્લોટમાં બની આગની ઘટના. મળતી માહિતી પ્રમાણે ફાયરની 18 ગાડીઓ દ્વારા આગ પર કાબુ મેળવવાનો પ્રયાસ કરવામાં આવી રહ્યો છે. સનાથલથી ચાંગોદર રોડ પર આવેલ આદેશ આશ્રમ પાસેના ગોડાઉનમાં આ ભીષણ આગ લાગી છે .મળતી વિગતો પ્રમાણે આ ગોડાઉન પેપરનુ હોવાનું સ્થાનિકોનું કહેવું છે, પેપરનું ગોડાઉન હોવાને કારણે આગે વિકરાળ સ્વરુપ ધારણ કર્યું હતું, જેથી આગને કાબુમાં લેવા માટે ફાયર વિભાગની ગાડીઓનો મોટો કાફલો ઘટના સ્થળે પહોંચ્યો, ફાયરવિભાગના જવાનો આગને વહેલામાં વહેલી તકે કાબુમાં લેવાનો પ્રયત્ન કરી રહ્યા છે.   છેલ્લા બે કલાકથી આગ પર કાબુ લેવાનો પ્રસાય   છેલ્લા બે કલાકથી આગ પર કાબુ લેવાનો પ્રસાય થઈ રહ્યો છે, પરંતુ આગ કાબુમાં આવી નથી. નોધનીય છે કે, અત્યારે આશરે 18 જેટલી ફાયર વિભાગની ગાડીઓ આગ પર કાબુ લેવાનો પ્રયત્ન કરી રહીં છે. અહીં સનાથલથી ચાંગોદર રોડ આલેવા ગોડાઉનમાં આગ લાગી હોવાનું જાણવા મળ્યું હતું. જો કે, ગોડાઉનમાં પેપર પડ્યા હોવાથી આગ વધારે વિકરાળ બની હોવાનું પ્રાથમિક અનુમાન છે. રાહતની વાત એ છે કે, હજુ સુધી જાનહાનિના કોઈ સમાચાર સામે આવ્યા નથી