પ્રજાસત્તાક દિન નિમિત્તે 46 જવાનોને રાજ્યપાલ ચંદ્રક અને મુખ્યમંત્રી ચંદ્રક એનાયત કરાશે

26 જાન્યુઆરીના રોજ પ્રજાસત્તાક દિનની રાજ્યકક્ષાની ઉજવણી તાપી જિલ્લામાં થનાર છે. પ્રજાસત્તાક દિને રાજ્યપાલ અને મુખ્યમંત્રી ચંદ્રકો એનાયત કરવામાં આવે છે. ગુજરાતના હોમગાર્ડઝ, બોર્ડર વિંગ, નાગરિક સંરક્ષણ અને ગ્રામ રક્ષક દળના 46 જવાનોની રાજ્યપાલ ચંદ્રક અને મુખ્યમંત્રી ચંદ્રક માટે પસંદગી કરવામાં આવી છે.

ડાયરેકટર જનરલ, સિવિલ ડીફેન્સ અને હોમગાર્ડઝ-ગુજરાતના નિયંત્રણ હેઠળના હોમગાર્ડઝ, બોર્ડર વિંગ હોમગાર્ડઝ, નાગરિક સંરક્ષણ તેમજ ગ્રામરક્ષક દળ માટે 46 જવાનોની વિશિષ્ટ સેવા બદલ રાજ્યપાલ ચંદ્રક તેમજ મુખ્યમંત્રી ચંદ્રક માટે પસંદગી કરાઇ છે. જેમાં 26 હોમગાર્ડઝ, 5 બોર્ડરવિંગ હોમગાર્ડઝ, 5 નાગરિક સંરક્ષણ અને 10 ગ્રામરક્ષક દળ અને સાગર રક્ષકદળના જવાનોનો સમાવેશ કરવામાં આવ્યો છે.