રાજકોટમાં છાશ પીધા બાદ 25 બાળકોને ફૂડ પોઇઝનિંગ, તત્કાળ સારવારમાં ખસેડાયા

રાજકોટથી ચોંકાવનારા સમાચાર મળ્યા છે. મળેલી માહિતી અનુસાર રાજકોટના ભવાનીનગર વિસ્તારમાં ટ્રસ્ટ દ્વારા છાશ વિતરણ કરાયા બાદ બાળકોએ છાશ પીધી હતી અને છાશ પીધા બાદ બાળકોને ઉલટીઓ થઇ હતી. એક સાથે 25 બાળકોને છાશના ફૂડ પોઇઝનીંગની અસર થતાં સ્થાનિકો અને તેમના માતા પિતા ગભરાઇ ગયા હતા. તત્કાળ આ બાળકોને સારવાર માટે હોસ્પિટલમાં લઇ જવાયા છે 

 શહેરના રામનાથપરામાં ભવાનીનગર વિસ્તારમાં ઉનાળાને ધ્યાનમાં રાખીને બોલબાલા ટ્રસ્ટ દ્વારા છાશ વિતરણ કરાઇ હતી. આ વિસ્તારના બાળકો છાશ પીવા માટે ઉમટી પડજ્યા હતા પણ ત્યારબાદ 25 બાળકોને ફૂડ પોઇઝનિંગની અસર થઇ હતી જેથી લોકો ગભરાઇ ગયા હતા. એક પછી એક બાળકોની તબિયત બગડવા લાગી હતી અને ઉલટીઓ થવા માડી હતી જેથી તમામને સારવાર માટે લઇ જવાયા હતા. કેટલાક બાળકોને ગુંદાવાડી વિસ્તારમાં આવેલી હોસ્પિટલમાં ખસેડાયા હતા. હાલ તો મોટાભાગના બાળકોની સ્થિતી સારી હોવાનું જણાવાયું છે. એક બાળકની સ્થિતી ગંભીર હોવાથી તેની આઇસીયુમાં સારવાર ચાલી રહી છે. ગત રાત્રે આ બનાવ બન્યો હતો.

ઉલ્લેખનિય છે કે ઉનાળામાં મોટા પ્રમાણમાં લોકો લીંબુ પાણી તથા છાશ અને કોલ્ડ્રીક્સનો ઉપયોગ કરતા હોય છે જેથી લૂ ના લાગે અને ડિહાઇડ્રેશન ના થાય પણ ક્યારેક ફૂડ પ્રોડક્ટ ખરાબ બોય તો તેની અસર પણ થઇ શકે છે. આ બનાવમાં છાશ કેટલી જુની છે અને તેનો વપરાશ ક્યા ક્યાં થયો હતો તે સહિતના મુદ્દાની તપાસ કરવી જરુરી છે.