અમદાવાદમાં AMTS બસનું રિપેરીંગ કરી રહેલા 2 ફોરમેનનું કચડાઇ જતાં મોત

શહેરના ઘોડાસર વિસ્તારમાં નવા ઓવરબ્રિજ પર બ્રેકડાઉન થયેલી બસનું 2 ફોરમેન રિપેરીંગ કરી રહ્યા હતા ત્યારે અચાનક પાછળથી આઇસર ટેમ્પોએ જોરદાર ટક્કર મારતા બંને ફોરમેન કચડાઇ ગયા હતા. આ ઘટનાથી હાહાકાર મચી ગયો છે.

મળેલી માહિતી મુજબ અમદાવાદના ઘોડાસર આવેલા કેડીલા બ્રિજ પર એએમટીએસની બસ બ્રેક ડાઉન થતઇ હતી જેથી તેના રિપેરીંગ માટે એએમટીએસના 2 ફોર મેન આવ્યા હતા. બસ બ્રેક ડાઉન થયેલી હોવાથી ફોરમેન ટોઇંગ કરવા આવ્યા હતા અને તે વખતે ટોઇંગનો વાયર જ તૂટી જતાં બંને ફોરમેન રિપેર કરી રહ્યા હતા. એ જ સમયે પાછળથી આવેલા આઇસર ટેમ્પાએ જોરદાર ટક્કર મારી હતી જેના પગલે બંને ફોરમેન ચગદાઇ ગયા હતા અને સ્થળ પર જ બંનેના મોત થયા હતા.

એએમટીએસના અધિકારીએ કહ્યું કે બંને કર્મચારી એએમટીએસના ન હતી પણ આદિનાથ બલ્ક કેરીયર નામના ખાનગી બસ ઓપરેટરના કર્મચારી હતી. ઘટનાના પગલે અરેરાટી વ્યાપી ગઇ હતી.