સુરતના નવા ગામ પાસે બેકાબૂ ટ્રકે પોલીસવાન સહિત ચાર વાહનોને અડફેટે લીધા, 1નું મોત

સુરતના કામરેજ વિસ્તારમાં નવાગામ પાસે એક બેકાબૂ ટ્રકે પોલીસ કર્મી સહિત પાંચને અડફેટે લીધા હતા જેમાં 1નું મોત થયું છે તો બીજી તરફ વડોદરા પાસે પણ થયેલા અકસ્માતમાં 2ના મોત થયા છે. તેજરફ્તારથી આવેલી ટ્રકે અકસ્માતમાં ટ્રાફિક હળવો કરાવી રહેલી સુરત જિલ્લા પોલીસની ટ્રાફિક પોલીસવાન, NHAIની બોલેરો, અકસ્માતગ્રસ્ત પિકઅપ બોલેરો અને ટ્રેલરને અડફેટે લીધાં હતાં.

સુરતના કામરેજ વિસ્તારમાં નવાગામ બ્રિજ પર એક પિકઅપ બોલેરો પલટી મારી ગઇ હતી જેથી સુરત જિલ્લા ટ્રાફિક પોલીસ અને NHAI વિભાગની ટીમ ઘટનાસ્થળે પહોંચી હતી. બંને ટીમો ટ્રાફિકને હળવો કરાવી રહી હતી ત્યારે તે જ સમયે પૂરપાટ ઝડપે આવેલા ટ્રકે ટ્રાફિક પોલીસવાન, NHAIની બોલેરો, અકસ્માતગ્રસ્ત પિકઅપ બોલેરો અને ટ્રેલરને અડફેટે લીધા હતા. આ ઘટનામાં બે પોલીસકર્મી સહિત કુલ ચાર લોકો અડફેટે આવી ગયા હતા જેમાં 1નું મોત થયું છે. અમદાવાદના તથ્ય કાંડ જેવો જ બનાવ અહીં પણ બન્યો હતો. અકસ્માત સર્જ્યા બાદ ટ્રક ચાલક વાહન મૂકીને ઘટનાસ્થળેથી રફૂચક્કર થઇ ગયો હતો. જોકે પોલીસે ટ્રક ક્લીનરને પકડી પાડ્યો હતો અને ટ્રક ચાલક વિરૂદ્ધ ગુનો નોંધી વધુ કાર્યવાહી હાથ ધરી છે. દુર્ઘટનામાં અકસ્માતગ્રસ્ત પિકઅપ બોલેરોના ચાલક રાધે ક્રિષ્ના પાંડેને ગંભીર ઈજાઓ થતાં તેનું મોત નીપજ્યું હતું. ઈજાગ્રસ્ત બે પોલીસ કર્મી કિરણ સિંહ ઠાકોર અને શૈલેષભાઈ વસાવાને સારવાર માટે નજીકની હોસ્પિટલમાં ખસેડવામાં આવ્યા છે.

અકસ્માતનો બીજો બનાવ વડોદરા પાસે બન્યો હતો જ્યાં મોડી રાત્રે સુરતથી વડોદરા આવી રહેલી એસ.ટી બસને ટ્રક સાથે અકસ્માત થયો હતો જેમાં 2 વ્યક્તિના મોત થયા હતા. ઘટનામાં સાત લોકો ઇજા પામ્યા હતા.

આ પણ વાંચો---Rajkot- Bhavnagar હાઈવે પર મોતનું તાંડવ, બે કાર અથડાતા ચાર ભડથું!

 

સમાચાર મેળવવા આજે જ અમારી WAHTSAPP ચેનલ સાથે જોડાવ