"સારંગપુર" શ્રદ્ધાનું ધામ

 

બોટાદના સારંગપુરમાં આવેલું કષ્ટભંજન દેવ મદિર અનેક લોકોની આસ્થાનું કેન્દ્ર છે. આ મંદિરમાં ભગવાન કષ્ટભંજન દેવની અલગ પ્રકારની પ્રતિમાં આવેલી છે જેમાં દેશ વિદેશનાં ભક્તોની વિશેષ આસ્થાનું કેન્દ્ર બિંદુ રહેલું છે. ત્યારે આજે આપણે જાણીએ કે હનુમાનજીના મંદિર સિવાય ત્યાં અન્ય કયા મંદિરો આવેલા છે, અને તેની વિશેષતા...

સારંગપુરના કષ્ટભંજન દેવના દર્શન માત્રથી ભક્તોની તમામ પ્રકારના કષ્ટોનું હરણ થાય છે. માટે અહી શનિવારના દિવસો અને હનુમાન જયંતી જેવા વિશેષ તહેવારો પર ભક્તોનું ઘોડાપૂર જોવા મળે છે. તો આ મંદિરની સાથે સાથે અહિં અનેક વિવિધ મંદિરો વિશે પણ આવો આપણે જાણીએ, મંદિર પરિસરમાં કષ્ટભંજન ભોજનાલય આવેલું છે જે એશિયાનું સૌથી મોટુ ભોજનાલય છે. જેનુ ઉદ્ધાટન ગૃહમંત્રી અમિત શાહ દ્વારા કરવામાં આવ્યું હતું. આ ભોજનાલયમાં ભક્તોને ઘઉનો સીરો, બે પ્રકારના શાક, રોટલી, ખીચડી, કઢી, દાળ  - ભાત પ્રસાદના રુપમાં આપવામાં આવે છે. આ ભોજનાલયનો સમય સવારે 10 વાગ્યાથી સાંજ સુધી નીરંતર ચાલતો રહે છે. ભોજન શાળા બાદ નજીકમાં જ શ્રી હરી મંદિર આવેલું છે જે વાસ્તુ કલાનો ઉત્તમ નમૂનો છે. આ મંદિરનું સંપુર્ણ બાંદ કામ લાકડાની વિવિધ પ્રકારની કોતરણીમાંથી બનાવવામાં આવ્યું છે. મંદિરમાં હનુમાનજીની સાથે સાથે સ્વામિનારાયણ ભગવાનની પણ છબી જોવા મળે છે. હમુમાનજીના મંદિરની એકદમ બાજુમા જ એક યજ્ઞ શાળા આવેલી છે જ્યા ભક્તો દ્વારા વિવિધ દુખોના નિવારણો માટે હોમ હવન કરાવામાં આવે છે.મંદિરના પ્રટાંગણમાં 1000 થી વધારે યાત્રીકો રહી શકે તેવી બે ધર્મશાળાનું નિર્માણ કરવામાં આવ્યું છે. જેમાં એક સ્વામિનારાયણ ધર્મશાળા અને બીજી કષ્ટભંજન ધર્મશાળા.

કષ્ટભંજન હનુમાનજીના મંદિર પ્રટાંગણની બાજુમાં જ પ્રમુખ સ્વામિ મહારાજની યાદમાં એક સ્મૃતિ મંદિર બનાવવામાં આવ્યું છે. પ્રમુખ સ્વામી મહારાજે સ્વયં પોતાનું સમાધી સ્થળ પસંદ કર્યું હતું. તેમણે કહ્યું હતું કે મારા અગ્નિ સંસ્કાર આ જગ્યા પર જ કરજો. જેથી મારા ગુરુની શાસ્ત્રીજી મહારાજની દ્રષ્ટી મારા પર રહે અને મારી દ્રષ્ટી ભગવાન સ્વામીનારાયણ પર રહે તે રીતે મને સમાધી આપજો,આ સ્મૃતિ મંદિરી મકરાણાના આરસથી કલાત્મક કોતરણથીઓથી કંડારવામાં આવ્યું છે, આ મંદિરની નકાશીમાં પ્રમુખ સ્વામીના સંમકાલીન સંતો અને ભકત ગણની આકૃતિઓ કંડારવામાં આવી છે,સાથે સાથે વિવિધ કલાત્મકતાનો નમુના રુપ શંખ ચક્ર, હાથી,  મોર અને વિવિધ ફૂલની કોતરણી આ મંદિરની ભવ્યતામાં વધારો કરે છે. આ મંદિરનુ નિર્માણ દિલ્હીના અક્ષરધામ મંદિરને સમાન જ બનાવાવામાં આવ્યું છે. સાથે જ મદિર પરીસરની બાજુમાં વિશાળ ગુરુકુળ અને શાળાનું નિર્માણ કરવામાં આવ્યું છે. જેમાં હજારો અનુયાયો ભણતરની સાથે દિક્ષાનું જ્ઞાન મેળવે છે.